Мирзиёев Ҳиндистон президенти ва бош вазирига ҳамдардлик билдирди

Флаг Индии и Узбекистана
Флаг Индии и Узбекистана - Sputnik Ўзбекистон, 1920, 04.07.2024
Oбуна бўлиш
Президент Драупади Мурму ва Нарендра Модига таъзия йўллади.
TOШКЕНТ, 4 июл — Sputnik. Ўзбекистон президенти Шавкат Мирзиёев Ҳиндистон президенти ва бош вазирига ҳамдардлик билдирди. Бу ҳақда президент матбуот котиби Шерзод Асадов маълум қилди.
“Ўзбекистон Республикаси Президенти Шавкат Мирзиёев Уттар-Прадеш штатида содир бўлган фожиа оқибатида кўплаб инсонлар ҳалок бўлгани ва жароҳат олгани муносабати билан Ҳиндистон Республикаси Президенти Драупади Мурму ва Бош вазири Нарендра Модига таъзия йўллади”, — деб ёзади Асадов ўзининг Telegram-каналида.
Давлат раҳбари қурбонларнинг оила аъзолари ва яқинларига чуқур ҳамдардлик изҳор этиб, жароҳатланганлар тез фурсатда соғайиб кетишини тилади.
Эслатиб ўтамиз, 3 июль куни Ҳиндистонда байрам вақтидаги тиқилинчда 107 киши ҳалок бўлди. Уттар-Прадеш штатидаги байрам қурбонлари асосан аёллар ва болалар бўлган. Тадбирда 15 мингдан ортиқ одам қатнашди, ваҳоланки расман 5 минг кишига рухсат этилган эди.
Янгиликлар лентаси
0