Терроризмдан жабр кўрган россиялик 100 нафар бола Ўзбекистонда қандай дам олмоқда?
© Sputnik
Oбуна бўлиш
Эксклюзив
Тошкент вилоятининг "Анор" болалар оромгоҳи жойлашган сўлим гўшада ҳаётида мудҳиш воқеаларни бошдан кечирган болалар ва ўсмирлар ҳордиқ чиқариб, соғлиғини тикламоқда.
TOШКЕНТ, 2 июл — Sputnik. Шу кунларда Тошкент вилоятининг Бўстонлиқ туманида ўзига хос муҳит ҳукм сурмоқда: "Анор" соғломлаштириш оромгоҳи Белгород ва Брянск вилоятлари, шунингдек, “Крокус Сити Холл”даги фожиали воқеалар пайтида жабрланган оилалар болалари ва ўсмирларини қабул қилмоқда.
Болалар учун байрам аэропортдаёқ бошланди: россиялик болаларни энг азиз меҳмонлар сифатида кутиб олишди, дарҳол мазали патир ва мазали меваларни татиб кўришни таклиф қилишди.
© пресс-служба Федерации профсоюзов УзбекистанаТерроризмдан жабр кўрган россиялик 100 нафар бола Ўзбекистонда дам олмоқда.
![В Ташкентской области отдыхают 100 детей и подростков из России В Ташкентской области отдыхают 100 детей и подростков из России - Sputnik Ўзбекистон, 1920, 02.07.2024](https://cdn1.img.sputniknews.uz/img/07e8/07/01/44620314_0:0:1620:1080_1920x0_80_0_0_e0689e4e8385ce6602665b27506ad223.jpg)
Терроризмдан жабр кўрган россиялик 100 нафар бола Ўзбекистонда дам олмоқда.
© пресс-служба Федерации профсоюзов Узбекистана
“Бизни кутиб олишганда гилос ва бошқа мевалар билан меҳмон қилишди. Паспорт назоратидан ўтаётганимизда уларни еб келдик”, — дейди Владислав Смородинов ўз таассуротлари билан бўлишиб.
Яна бир кичик меҳмон Тимофей Якубенко эса бу ердаги шафтоли таъмини бутун умр эслаб қолишини айтди. Аммо кутилмаган ёқимли ҳодисалар шу билан тугамади.
Болалар келган куни уларга президенти Шавкат Мирзиёев номидан Ўзбекистон Касаба уюшмалари федерацияси раиси Қудратилла Рафиқов томонидан совғалар – спорт костюмлари, кроссовкалар ва планшетлар билан тўлдирилган рюкзаклар топширилди.
Шунингдек, болалар ўз яқинлари билан боғланишлари, улар қандай етиб келгани, қандай кутиб олингани ҳақида гапиришлари ва, албатта, биринчи таассуротлари билан ўртоқлашишлари мумкин бўлиши учун СИМ-карталар билан ҳам дарҳол таъминланишди.
Таассуротлар эса ҳар бир боланинг ичини тўлдириб турган эди. "Уйга қайтганимизда, бир ҳафта ёки ундан кўпроқ вақт давомида таассуротларимизни гапириб берамиз!" – дея тан олди Мария Владикова.
© пресс-служба Федерации профсоюзов УзбекистанаТерроризмдан жабр кўрган россиялик 100 нафар бола Ўзбекистонда дам олмоқда.
![В Ташкентской области отдыхают 100 детей и подростков из России В Ташкентской области отдыхают 100 детей и подростков из России - Sputnik Ўзбекистон, 1920, 02.07.2024](https://cdn1.img.sputniknews.uz/img/07e8/07/01/44620269_0:0:1080:1620_1920x0_80_0_0_bd9b154c5b10c6efffd4315b1901ff78.jpg)
Терроризмдан жабр кўрган россиялик 100 нафар бола Ўзбекистонда дам олмоқда.
© пресс-служба Федерации профсоюзов Узбекистана
Оромгоҳда болалар учун жуда қизиқарли ва ранг-баранг дастур тайёрланган. "Анор" БСО директори Ўлмас Мўминов таъкидлаганидек, улар тўгаракларда таҳсил олади, чет тилларини ўрганади, бассейнда сузади, кутубхона ва компьютер синфида фойдали вақт ўтказади. Бундан ташқари, болалар учун дискотекалар, спорт мусобақалари ва танловлар, жумладан, турли мавзуларда видеороликлар ташкил этилади.
Шунингдек,Ўзбекистоннинг энг гўзал шаҳарларидан бири бўлган, бутун дунёдан келган сайёҳлар боришга интилаётган Самарқандга бир кунлик саёҳат ҳам дастурда ўрин олган.
© пресс-служба Федерации профсоюзов УзбекистанаТерроризмдан жабр кўрган россиялик 100 нафар бола Ўзбекистонда дам олмоқда.
![В Ташкентской области отдыхают 100 детей и подростков из России В Ташкентской области отдыхают 100 детей и подростков из России - Sputnik Ўзбекистон, 1920, 02.07.2024](https://cdn1.img.sputniknews.uz/img/07e8/07/01/44620444_0:0:1280:960_1920x0_80_0_0_2d438c07f25318c21cb761b882b7be72.jpg)
Терроризмдан жабр кўрган россиялик 100 нафар бола Ўзбекистонда дам олмоқда.
© пресс-служба Федерации профсоюзов Узбекистана
Болалар аллақачон Регистон майдонига ташриф буюриб, Амир Темур ҳаёти билан танишишди.
“Умид қиламизки, болалар бир-бирига доим ёрдам бериш кераклигини тушунишади. Ўзбекистон биз учун қийин вазиятда Россияга ёрдам қўлини чўзганидек, фарзандларимиз ҳам кимгадир қийин пайтда қўлини чўзишни ва уларнинг ёрдам қўллари қанчалик аҳамиятли эканлигини тушуниб етишади”, – деди Россия Мустақил касаба уюшмалари федерацияси департаменти бошлиғининг ўринбосари Анастасия Анисимова.
© пресс-служба Федерации профсоюзов УзбекистанаТерроризмдан жабр кўрган россиялик 100 нафар бола Ўзбекистонда дам олмоқда.
![В Ташкентской области отдыхают 100 детей и подростков из России В Ташкентской области отдыхают 100 детей и подростков из России - Sputnik Ўзбекистон, 1920, 02.07.2024](https://cdn1.img.sputniknews.uz/img/07e8/07/01/44620335_0:0:1620:1080_1920x0_80_0_0_ab9eb30562c6fa2f326f50f4a159cf35.jpg)
Терроризмдан жабр кўрган россиялик 100 нафар бола Ўзбекистонда дам олмоқда.
© пресс-служба Федерации профсоюзов Узбекистана
Шу вақт ичида болалар оз бўлсада ўзбек тилини ўргана олдиларми? Ёш меҳмонлардан бирини Тошкент билан нима боғлайди ва саёҳатнинг энг эсда қоларлиси нима бўлди?
Болаларнинг энг ёрқин таассуротлари – Sputnik Ўзбекистон видеосида.