Арипов қирғизистонлик ҳамкасби билан учрашди — нималар муҳокама этилди?
© Кабинет Министров Кыргызской республикиУрумчида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди.
![Урумчида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди. Урумчида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди. - Sputnik Ўзбекистон, 1920, 25.06.2024](https://cdn1.img.sputniknews.uz/img/07e8/06/19/44521354_0:84:1600:984_1920x0_80_0_0_0f9ea3dbce7abb14534835a1b6269bff.jpg)
Oбуна бўлиш
Учрашувда ГЭС қурилиши, Талас-Чотқол-Тошкент автомобиль йўли ва кўмир етказиб беришга қаратилган лойиҳалар кўриб чиқилди.
TOШКЕНТ, 25 июн — Sputnik. Урумчи шаҳрида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди.
Учрашувда томонлар икки мамлакат давлат раҳбарлари томонидан белгилаб берилган икки томонлама ҳамкорлик кун тартибига киритилган учта истиқболли инфратузилма лойиҳасини атрофлича муҳокама қилишди.
© Кабинет Министров Кыргызской республикиУрумчида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди.
![В городе Урумчи состоялась встреча Председателя Кабинета Министров Акылбека Жапарова и Премьер-министра Узбекистана Абдуллы Арипова В городе Урумчи состоялась встреча Председателя Кабинета Министров Акылбека Жапарова и Премьер-министра Узбекистана Абдуллы Арипова - Sputnik Ўзбекистон, 1920, 25.06.2024](https://cdn1.img.sputniknews.uz/img/07e8/06/19/44521376_0:0:1600:1066_1920x0_80_0_0_59175dce2f4c42d3a47a8bc2212fe57d.jpg)
Урумчида Ўзбекистон бош вазири Абдулла Арипов ва Қирғизистон Вазирлар Маҳкамаси раиси Ақилбек Жапаров ўртасида учрашув бўлиб ўтди.
"Йиғилишда Қамбарота-1 ГЭС ва Чотқол дарёсида ГЭС қуриш бўйича музокаралар олиб борилди. Икки давлат ҳукумат раҳбарлари Талас-Чотқол-Тошкент автомобиль йўли қурилиши лойиҳасини ҳам муҳокама қилди", — дейилади хабарда.
Таъкидланганидек, айни пайтда мазкур лойиҳа бўйича “Йўл харитаси ва лойиҳани амалга ошириш ўзаро савдо ҳажми ва икки давлатнинг сайёҳлик салоҳиятини кўтариш имконини беради”.
Бундан ташқари, икки давлат ҳукумат раҳбарлари Қирғизистондан Ўзбекистонга кўмир етказиб беришга қаратилган конвейр ва кўмир логистика марказини қуриш бўйича қўшма ишларни фаоллаштиришни муҳокама қилишди.
Томонлар юқоридаги инфратузилма лойиҳаларини илгари суриш бўйича амалий чоралар кўриш икки давлат ўртасидаги қардошлик стратегик муносабатларини мустаҳкамлашга хизмат қилишини таъкидлашди.
Маълумот учун, Абдулла Арипов Урумчида ЭКСПО “Хитой-Евроосиё” саккизинчи халқаро кўргазмасида иштирок этади. Кўргазма 26-30 июнь кунлари бўлиб ўтади. Бугун бош вазир ташрифни Шинжон-Уйғур автоном райони Партқўми котиби Ма Синжуй билан учрашувдан бошлади.