Россия билан $ 22 миллиардлик лойиҳалар амалга оширилмоқда — энергетика вазири

© REUTERS / Olesya AstakhovaГазовая станция компании "Лукойл" в Джаркудуке, Узбекистан
Газовая станция компании Лукойл в Джаркудуке, Узбекистан - Sputnik Ўзбекистон, 1920, 21.06.2024
Oбуна бўлиш
Россия билан Ўзбекистонга нефт ва газ етказиб бериш ва конлардан фойдаланиш борасида ҳамкорлик қилинмоқда.
ТОШКЕНТ, 21 июн – Sputnik. Энерегетика соҳасида Россия билан 22 миллиард долларлик лойиҳалар амалга оширилмоқда, деди Ўзбекистон энергетика вазири Жўрабек Мирзамаҳмудов Остонада бўлиб ўтган ШҲТ энергетика вазирлари йиғилишида.

"Россия компаниялари билан ҳамкорликда энергетика соҳасида умумий қиймати 22 миллиард доллар бўлган лойиҳаларини амалга оширмоқда, шундан 12 миллиард доллари аллақчон ўзлаштирилди. Улардан бештаси — маҳсулот тақсимоти асосида келишувлар доирасида", — деди Мирзамаҳмудов.

Хусусан, "Лукойл" ва "Газпром" ушбу лойиҳалар доирасида 10,7 миллиард долларлик сармоялар амалга оширишди ва 130 миллиард куб метр табиий газ қазиб олишди.
Шунингдек, Россия инвесторлари иштирокида Сурхондарё вилоятида “Мустақилликнинг 25 йиллиги” кони ўзлаштирилмоқда. У ерда қуввати 5 млрд. м3 бўлиган газни қайта ишлаш мажмуаси қурилмоқда. Мазкур лойиҳа доирасида 1,3 миллиард доллар инвестициялар ўзлаштирилган бўлиб, механик ишга тушириш муддати 2024 йилнинг ноябрь ойида режалаштирилган.
Ундан ташқари, вазир Ўзбекистонда Россиянинг "Лукойл" ва "Татнефт" ёқилғи қуйиш шохобчалари тармоғи кенгайтирилаётгани ва Россиядан газ, нефть ва нефть маҳсулотларини етказиб бериш йўлга қўйилганини ҳам айтиб ўтди.
Янгиликлар лентаси
0