Редакционный центр Sputnik Узбекистан в Ташкенте. - Sputnik Ўзбекистон, 1920, 29.04.2024
Матбуот маркази
Sputnik Ўзбекистон матбуот маркази “Россия сегодня” халқаро медиа гуруҳи таркибига киради. Матбуот-маркази рақами: +99897 190 71 78

Марказий Осиёда ягона энергетика тизими қувватини ошириш йўллари қандай — эксперт жавоби

Oбуна бўлиш
Эксклюзив
Эксперт: Қозоғистон, Ўзбекистон, Қирғизистон ва Марказий Осиё минтақасини бирлаштириш билан боғлиқ бўлган барча лойиҳалар Осиёнинг юрагидир.
Афғонистонни ҳам синхронлаштириш Марказий Осиё ягона энергетика тизимининг қувватини оширади. Бу ҳақда “Геоэнергетика.инфо” (РФ) журнали бош муҳаррири Борис Марцинкевич Sputnik Ўзбекистон мультимедиа матбуот марказида бўлиб ўтган “Москва-Тошкент-Остона-Бишкек” иштирокидаги видеокўприкда маълум қилди.
Борис Марцинкевич ўз чиқишида ҳозирги босқичда Марказий Осиё мамлакатлари иқтисодиёти ва уларнинг Россия билан муносабатларида табиий газ қандай роль ўйнайди деган саволга жавоб берди.
“Менинг фикримча, қарама-қаршилик шундаки, Россия, Қозоғистон, Ўзбекистон, Қирғизистондаги тариф сиёсати, худди шундай ижтимоий юк ҳам ҳамма жойда ҳар хил. Ва яна Ўзбекистондаги лойиҳалар ҳақида маълумот етишмаслиги бўйича савол туғилади. Ҳозирда Бухоро вилоятидаги конлар Россия ва Ўзбекистон томонларининг биргаликдаги саъй-ҳаракатлари билан йирик ерости газ омборига айлантирилаётгани ҳақида маълумотлар бор. Агар ҳақиқатан ҳам шундай бўлса, мамлакатларимиз раҳбарлари нафақат газ транзити, балки уни биргаликда қайта ишлаш ҳақида ҳам ўйлаётгандек таассурот уйғонади. Бу қўшма лойиҳа бўлиб, Россия учун санкциялар хавфи маълум”, — деди у.
Унинг қайд этишича, Ўзбекистоннинг жанубий қўшниларидан бири, ҳудуди 35 фоиз электрлаштирилган Афғонистон электр энергиясининг 70 фоизини Ўзбекистондан олади.
“Афғонистонни ҳам синхронлаштириш Марказий Осиё ягона энергетика тизимининг қувватини оширади, бу эса, албатта, барча истеъмолчилар учун таъминот ишончлилигига ҳам таъсир қилади. Демак, менимча, истиқболлар етарлича”, — дея аниқлик киритди у.
Унинг айтишича, Қозоғистон, Ўзбекистон, Қирғизистон ва Марказий Осиё минтақасини бирлаштириш билан боғлиқ бўлган барча лойиҳалар ҳақиқатан ҳам Осиёнинг юрагидир.
“Бироқ бу Марказий Осиё минтақасига фақат бешта постсовет республикаси кириши керак дегани эмас. Эрон шимолидан Афғонистон ҳам Марказий Осиё. Демак, бу ерда нафақат газ, балки, менимча, қўшма ишлаб чиқариш лойиҳалари билан боғлиқ ишлар ҳам барча учун етарли”, дея қўшимча қилди у.
Янгиликлар лентаси
0