Россия Ўзбекистондан айрим пойабзалларни харид қилишни режалаштирмоқда
© Узчармсаноат
Oбуна бўлиш
“Ўзчармсаноат” уюшмаси Россиянинг чармсаноат соҳаси корхоналари билан музокаралар ўтказди.
ТОШКЕНТ, 19 май — Sputnik. “Ўзчармсаноат” уюшмаси Россиянинг бир қатор компаниялари билан ҳамкорлик қилишга келишиб олди, дея хабар берди уюшма матбуот хизмати.
“Ўзчармсаноат” уюшмаси раиси ўринбосари Мирсаид Зохидов Ростов-Дон шаҳридаги чармсаноат соҳаси корхоналари, йирик савдо тармоқлари вакиллари билан музокаралар ўтказди.
“Ўзчармсаноат” уюшмаси раиси ўринбосари Мирсаид Зохидов Ростов-Дон шаҳридаги чармсаноат соҳаси корхоналари, йирик савдо тармоқлари вакиллари билан музокаралар ўтказди.
© Узчармсаноат
Жумладан, Донкс давлат техника университети қошидаги Ростов вилояти инновация ва технология енгил саноат кластерида бўлиб ўтган учрашувда Ўзбекистон чарм саноати корхоналари учун малакали дизайнер, технолог ва тикувчиларни етказиб бериш бўйича таълим дастурни амалга ошириш масаласи муҳокама этилди.
“Мамлакатимизнинг турли ҳудудларида айнан чам саноати тармоғи учун кадрлар тайёрлашга ихтисослашган таълим марказлари иш бошлайди. Музокаларда айнан ушбу марказларга Ростов вилояти инновация ва технология енгил саноат кластернинг халақаро сертификатларга эга дизайнер ва технологларидан иборат педогоглар жамоасини жалб этишга келишиб олинди”, — дейилади хабарда.
Қайд этилишича, “Донобувь” Ўзбекистон корхоналари билан ҳамкорликка катта қизиқиш билдирмоқда.
“Ўзчармсаноат” уюшмаси раиси ўринбосари Мирсаид Зохидов Ростов-Дон шаҳридаги чармсаноат соҳаси корхоналари, йирик савдо тармоқлари вакиллари билан музокаралар ўтказди.
© Узчармсаноат
“Музокаларда ҳамкорликни бир неча босқичда амалга оширишга келишиб олинди. Дастлаб, Россия компанияси Ўзбекистондан махсус ва ишчилар пойабзалларини харид қилишни режалаштирмоқда. Наъмуналар компания лабораторияларидан синовдан ўтгандан сўнг харид жараёнлари бошланади. Навбатдаги босқичда эса қўшма ишлаб чиқариш корхонасини барпо этиш белғиланган”, — дея қайд этилган хабарда.
Айтилишича, “Донобувь” компанияси раҳбарияти музокараларнинг навбатдаги раунди учун Тошкентга келади.
Шунингдек, “Тигран” “LeGrow” компанияси, Ростов пойабзал фабрикаси билан ҳам икки томонлама алоқаларни йўлга қўйиш бўйича дастлабки келишувларга эришилди.
