Ўзбекистон-Ҳиндистон: Телангана штати билан ҳамкорлик масалалари муҳокама қилинди
Oбуна бўлиш
Мулоқотлар чоғида тиббиёт, фармацевтика, шахсий саломатлик каби соҳаларда ҳамкорлик қилиш, қўшма лойиҳалар ташкил қилиш ва халқаро бозорда рақобатбардош бўлган маҳсулотлар ишлаб чиқариш истиқболлари муҳокама қилинди.
ТОШКЕНТ, 7 апр — Sputnik. Ўзбекистон элчиси Сардор Рустамбоев Ҳиндистоннинг Телангана штатида ҳудудлараро алоқаларни янада ривожлантириш масалалари муҳокамасига бағишланган қатор учрашувлар ўтказди. Бу ҳақда "Дунё" АА хабар берди.
Элчихона томонидан уюштирилган учрашувлар доирасида тиббиёт ва фармацевтика соҳасидаги ҳамкорлик истиқболлари асосий мавзуни ташкил қилди.
Бизнес доиралари вакилларига Ўзбекистонда сўнгги йилларда тадбиркорлик фаолияти юритиш учун яратилган қулай муҳит, янги корхоналар ташкил этиш ва инвестициялар жалб қилиш давлат томонидан кенг қўллаб-қувватланаётгани, тиббиёт ва фармацевтика йўналишларидаги эркин иқтисодий зоналар ва кластерлар самарадорлиги ҳақида батафсил сўзлаб берилди.
Узбекские дипломаты обсудили перспективы двустороннего сотрудничества с компаниями индийского штата Телангана
© ИА "Дунё"
Мулоқотлар чоғида тиббиёт, фармацевтика, шахсий саломатлик каби соҳаларда ҳамкорлик қилиш, қўшма лойиҳалар ташкил қилиш ва халқаро бозорда рақобатбардош бўлган маҳсулотлар ишлаб чиқариш истиқболлари муҳокама қилинди.
Шунингдек, ахборот технологиялари, кўчмас мулк, туризм, бадиий ва ҳужжатли фильмлар суратга олиш соҳаларида инвестициявий ҳамкорлик қилиш масалалари ҳам муҳокама қилинди.
Узбекские дипломаты обсудили перспективы двустороннего сотрудничества с компаниями индийского штата Телангана
© ИА "Дунё"
Телангана штати йирик компаниялари вакиллари Ўзбекистон билан ҳамкорлик қилишни янада ривожлантиришдан манфаатдорлик билдирди.
Телангана Ҳиндистоннинг жанубида жойлашган бўлиб, мамлакатнинг энг ёш штати ҳисобланади. 2014 йилда ташкил этилган Телангана изчил ривожланиш кўрсаткичларини намойиш этмоқда. Янги корхоналар барпо этиш ва инвестициялар жалб қилиш бўйича инновацион ташаббуслар ўз натижасини бермоқда. Бугун мазкур ҳудуд Ҳиндистон ҳукуматининг "Бизнес юритишдаги енгиллик" рейтингида энг яхши штатлар сафидан мунтазам жой олиб келмоқда.
Штатда тиббиёт ва фармацевтика йўналиши, айниқса, жадал ривожланиб бормоқда. Статистика маълумотларига кўра, Телангананинг Ҳиндистон фармацевтика саноатига қўшаётган ҳиссаси 30 фоизга тўғри келади. Штат маъмурий маркази – Ҳайдаробод шаҳрида тиббий-биология фанлари ва тиббиёт технологиялари соҳасида 20 га яқин инкубаторларнинг фаолияти йўлга қўйилган. Ушбу шаҳар 2028 йилга келиб, 100 миллиард долларлик айланма маблағига эга бизнес-генераторга айланиши мумкин, деб башорат қилинмоқда.
