https://sputniknews.uz/20240314/rossiya-prezident-saylov-delegatsiya-42934824.html
Россия президенти сайловини 36 та давлат делегациялари кузатади
Россия президенти сайловини 36 та давлат делегациялари кузатади
Sputnik Ўзбекистон
Россия президенти сайловларида 2 миллионга яқин сайловчи муддатидан олдин овоз берди.
2024-03-14T16:00+0500
2024-03-14T16:00+0500
2024-03-14T16:00+0500
россия президенти сайлови — 2024 йил
сиёсат
россия
президент
сайловлар
https://cdn1.img.sputniknews.uz/img/07e8/03/0e/42934027_0:211:2928:1857_1920x0_80_0_0_25e645659eebf9b2d0ff0d972ecb00da.jpg
ТОШКЕНТ, 14 мар — Sputnik. Россия қонунчиларининг таклифига биноан Россия Федерациясига президентлик сайловларида кузатувчи сифатида 36 та давлат ҳамда бешта халқаро ташкилот делегациялари келади. Бу ҳақда Федерация кенгаши вице-спикери Константин Косачёвга таяниб, РИА Новости хабар берди.Сиёсатчининг аниқлик киритишича, умумий ҳисобда 200 дан ортиқ парламент кузатувчиси ва яна бир неча ўнлаб сайлов экспертлари қонунчилар таклифига биноан Федерал Мажлис орқали аккредитация қилинган ва “бу рақам янада ошиши мумкин”.Россия Федерацияси президенти сайлови арафасида Марказий сайлов комиссиясининг ахборот маркази – овоз бериш маълумотлари йиғиладиган, етказиладиган ва шарҳланадиган, шунингдек, унинг дастлабки натижалари эълон қилинадиган асосий штаб иш бошлади.Марказий сайлов комиссияси ахборот маркази иш бошлаганини Марказий сайлов комиссияси раиси Элла Памфилова президент сайловида овоз беришга тайёрлик тўғрисида маълум қилди.Памфилова, шунингдек, Россия президенти сайловлари биринчи марта оғир, экстремал вазиятда ўтказилаётганини таъкидлади.Унинг қўшимча қилишича, захира биноларнинг 83 фоизи (52 мингтадан ортиқ) доимий биноларда, 17 фоизи (10 мингтадан ортиқ) кўчма овоз бериш пунктларида жойлаштирилади. Памфилованинг сўзларига кўра, президентлик сайловларида провокациялар бўлиши мумкин, аммо Россия бунга дош беради.Бундан ташқари, у Россия президенти сайловларида 2 миллионга яқин сайловчи муддатидан олдин овоз берганини маълум қилди.Эслатиб ўтамиз, Федерация Кенгаши президентлик сайловини 2024 йил 17 мартга белгилаган. Овоз бериш уч кун давом этади: 15, 16 ва 17 март. Давлат раҳбари лавозимига Россия Федерацияси Марказий сайлов комиссияси томонидан рўйхатга олинган тўрт нафар номзод: Леонид Слуцкий, Николай Харитонов, Владислав Даванков ва Владимир Путин даъвогарлик қилмоқда.
https://sputniknews.uz/20240314/putin-prezident-saylov-ovoz-berish-rossiya-42927906.html
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2024
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
россия президенти сайловлари сайловчи муддатидан олдин овоз бериш
россия президенти сайловлари сайловчи муддатидан олдин овоз бериш
Россия президенти сайловини 36 та давлат делегациялари кузатади
Россия президенти сайловларида 2 миллионга яқин сайловчи муддатидан олдин овоз берди.
ТОШКЕНТ, 14 мар — Sputnik. Россия қонунчиларининг таклифига биноан Россия Федерациясига президентлик сайловларида кузатувчи сифатида 36 та давлат ҳамда бешта халқаро ташкилот делегациялари келади. Бу ҳақда Федерация кенгаши вице-спикери Константин Косачёвга таяниб,
РИА Новости хабар берди.
“Бугунги кунга қадар Федерал Мажлис палаталарининг таклифига биноан 36 та мамлакатдан, жумладан, 30 та миллий парламентдан кузатувчи сифатида сайловга делегациялар келмоқда. Шунингдек, бешта халқаро ташкилот – МДҲ ПА, КХШТ ПА, Жанубий-Шарқий Осиё давлатлари ассоциацияси парламентлараро ташкилоти, ИҲТ (Ислом ҳамкорлиги ташкилоти), Марказий Америка парламенти (ПАРЛАCЕН)”, — деди у.
Сиёсатчининг аниқлик киритишича, умумий ҳисобда 200 дан ортиқ парламент кузатувчиси ва яна бир неча ўнлаб сайлов экспертлари қонунчилар таклифига биноан Федерал Мажлис орқали аккредитация қилинган ва “бу рақам янада ошиши мумкин”.
"Барча ташкилий масалалар ҳал қилинди, биздаги маълумотларга кўра, ҳеч қандай муаммо йўқ", — дея хулоса қилди Федерация Кенгаши вице-спикери.
Россия Федерацияси президенти сайлови арафасида Марказий сайлов комиссиясининг ахборот маркази – овоз бериш маълумотлари йиғиладиган, етказиладиган ва шарҳланадиган, шунингдек, унинг дастлабки натижалари эълон қилинадиган асосий штаб иш бошлади.
Марказий сайлов комиссияси ахборот маркази иш бошлаганини Марказий сайлов комиссияси раиси Элла Памфилова президент сайловида овоз беришга тайёрлик тўғрисида
маълум қилди.“Анъанага кўра, овоз беришнинг биринчи куни арафасида Марказий сайлов комиссияси бутун сайлов тизимининг сайловга тайёрлиги тўғрисида ҳисобот беради. Ахборот марказимизнинг иши ҳам шундан бошланади, – деди у.
Памфилова, шунингдек, Россия президенти сайловлари биринчи марта оғир, экстремал вазиятда ўтказилаётганини таъкидлади.
“Биз илк бор сайловларни шундай оғир, экстремал вазиятда, албатта, узлуксиз таҳдидлар ва бошқа кўплаб салбий ҳодисалар шароитида ўтказмоқдамиз. Биз буларнинг барчасини олдиндан билганмиз, принципиал жиҳатдан, бу биз учун биринчи марта эмас, шунинг учун биз олдиндан чора кўрдик ва барча ҳудудларда овоз бериш учун захира бинолар ва жойлар белгиланди”, — деди Россия Федерацияси Марказий сайлов комиссияси раиси.
Унинг қўшимча қилишича, захира биноларнинг 83 фоизи (52 мингтадан ортиқ) доимий биноларда, 17 фоизи (10 мингтадан ортиқ) кўчма овоз бериш пунктларида жойлаштирилади. Памфилованинг сўзларига кўра, президентлик сайловларида провокациялар бўлиши мумкин, аммо Россия бунга дош беради.
Бундан ташқари, у Россия президенти сайловларида 2 миллионга яқин сайловчи муддатидан олдин овоз берганини маълум қилди.
Эслатиб ўтамиз, Федерация Кенгаши президентлик сайловини 2024 йил 17 мартга белгилаган. Овоз бериш уч кун давом этади: 15, 16 ва 17 март. Давлат раҳбари лавозимига Россия Федерацияси Марказий сайлов комиссияси томонидан рўйхатга олинган тўрт нафар номзод: Леонид Слуцкий, Николай Харитонов, Владислав Даванков ва Владимир Путин даъвогарлик қилмоқда.
