Ўзбек-қирғиз ишбилармонлари озиқ-овқат ишлаб чиқармоқчи
16:10 13.03.2024 (янгиланди: 20:46 13.03.2024)
© Торгово-промышленная палата УзбекистанаЎзбекистон-Қирғизистон Ишбилармонлар кенгашининг учинчи йиғилиши бўлиб ўтди.
![Ўзбекистон-Қирғизистон Ишбилармонлар кенгашининг учинчи йиғилиши бўлиб ўтди. Ўзбекистон-Қирғизистон Ишбилармонлар кенгашининг учинчи йиғилиши бўлиб ўтди. - Sputnik Ўзбекистон, 1920, 13.03.2024](https://cdn1.img.sputniknews.uz/img/07e8/03/0d/42909704_0:31:1280:751_1920x0_80_0_0_da0447a17af78818e65757c557a019ad.jpg)
© Торгово-промышленная палата Узбекистана
Oбуна бўлиш
Ўзбекистон-Қирғизистон Ишбилармонлар кенгашининг учинчи йиғилиши бўлиб ўтди.
ТОШКЕНТ, 13 мар — Sputnik. Ўзбекистон ва Қирғизистон компаниялари ўртасида озиқ-овқат маҳсулотларини ўзаро ишлаб чиқариш бўйича келишувга эришилди, дея хабар берди Савдо-саноат палатаси матбуот хизмати.
Тошкентда Ўзбекистон-Қирғизистон Ишбилармонлар кенгашининг учинчи йиғилиши бўлиб ўтди. Кун тартибидаги асосий масалалар Ўзбекистон-Қирғизистон тараққиёт жамғармаси маблағлари ҳисобидан қўшма тадбиркорликни ривожлантириш бўлди.
Бундан ташқари, тез бузиладиган маҳсулотлар учун яшил йўлак, умумий лаборатория, санитария назорати, қўшимча назорат-ўтказиш пунктлари очиш ва темир йўл орқали юк ташиш ҳажмини ошириш масалалари муҳокама қилинди.
© Торгово-промышленная палата УзбекистанаЎзбекистон-Қирғизистон Ишбилармонлар кенгашининг учинчи йиғилиши бўлиб ўтди.
![Участники 3-го заседания Узбекско-Кыргызского Делового Совета Участники 3-го заседания Узбекско-Кыргызского Делового Совета - Sputnik Ўзбекистон, 1920, 13.03.2024](https://cdn1.img.sputniknews.uz/img/07e8/03/0d/42909682_0:0:1280:853_1920x0_80_0_0_acebddd470f61a3b8a975dd14b0f5c40.jpg)
Ўзбекистон-Қирғизистон Ишбилармонлар кенгашининг учинчи йиғилиши бўлиб ўтди.
© Торгово-промышленная палата Узбекистана
"Ишбилармонлар кенгаши йиғилишида Қирғизистоннинг “Alaiku Organics” ва Ўзбекистоннинг “Milk House” компанияси ўртасида озиқ-овқат маҳсулотларини ўзаро ишлаб чиқариш бўйича келишувга эришилди, шунингдек, B2B форматидаги учрашувлар якуни бўйича бир қатор шартномалар имзоланди", — дейилади хабарда.
Ўзбекистон ва Қирғизистон ўртасидаги товар айирбошлаш ҳажми сўнгги 5 йилда 5 баробарга ошиб, 2023 йил якунига кўра қарийб 1 миллиард долларни ташкил этди.