Ўзбекистоннинг ЕОИИга кириши тезлашиши мумкин — Мальгинов
Ўзбекистоннинг ЕОИИга кириши тезлашиши мумкин — Мальгинов
Sputnik Ўзбекистон
Ўзбекистон айни дамда ЖСТга ҳам, ЕОИИга ҳам қўшилиш жараёнларини келишиб олмоқда. Яқин вақтда бу жараён тезлашиши мумкин, деди Мальгинов. 09.02.2024, Sputnik Ўзбекистон
ТОШКЕНТ, 9 фев — Sputnik. Ўзбекистоннинг Евроосиё иқтисодий иттифоқи (ЕОИИ)га тўлиқ аъзо сифатида қўшилиш жараёни яқин келажакда тезлашиши мумкин, деди Россиянинг Ўзбекистондаги элчиси Олег Мальгинов.Мальгинов Ўзбекистон бир вақтнинг ўзида ЖСТга аъзо бўлиш масаласини ҳам муҳокама қилаётганини қўшимча қилди. "Бу ерда ЖСТга ҳам, Евроосиё иқтисодий ҳамжамиятига ҳам қўшилиш келишиб олиш керак. Бу мақсад ҳали ҳам кун тартибимизда", - дея қўшимча қилди элчи.
Ўзбекистон айни дамда ЖСТга ҳам, ЕОИИга ҳам қўшилиш жараёнларини келишиб олмоқда. Яқин вақтда бу жараён тезлашиши мумкин, деди Мальгинов.
ТОШКЕНТ, 9 фев — Sputnik. Ўзбекистоннинг Евроосиё иқтисодий иттифоқи (ЕОИИ)га тўлиқ аъзо сифатида қўшилиш жараёни яқин келажакда тезлашиши мумкин, деди Россиянинг Ўзбекистондаги элчиси Олег Мальгинов.
“Сўнгги пайтларда ЕОИИ ва Ўзбекистон тузилмалари ўртасида ишчи гуруҳ фаолият юритмоқда. У, Ўзбекистондаги мавжуд вазиятни ҳисобга олган ҳолда, ташкилотга тўлиқ аъзо бўлиш учун қонуний ислоҳотлар лойиҳалари ва бошқа жараёнларни ишлаб чиқмоқда. Ўйлайманки, яқин келажакда бу масала ҳам тезлашади”, — деди элчи “Россия 24” телеканалида Тошкентнинг ЕОИИ фаолиятига қўшган ҳиссасини қайд этиб.
Мальгинов Ўзбекистон бир вақтнинг ўзида ЖСТга аъзо бўлиш масаласини ҳам муҳокама қилаётганини қўшимча қилди. "Бу ерда ЖСТга ҳам, Евроосиё иқтисодий ҳамжамиятига ҳам қўшилиш келишиб олиш керак. Бу мақсад ҳали ҳам кун тартибимизда", - дея қўшимча қилди элчи.
ЕОИИ
Евроосиё иқтисодий иттифоқи (ЕОИИ) 2014 йилда Россия, Беларусь ва Қозоғистон ўртасида тузилган шартнома асосида ташкил этилган халқаро ташкилотдир. Бу иттифоққа 2015 йилда Арманистон ва Қирғизистон аъзо бўлган, Молдова ва Куба кузатувчи мақомига эга. Ўзбекистон 2020 йил декабрь ойида ЕОИИда кузатувчи давлат мақомини олган.
ЕОИИнинг мақсади — аъзо давлатлар аҳолисининг турмуш даражасини юксалтириш борасида барқарор ривожланиш учун шароитлар яратиш, товарлар, хизматлар, капитал ва иш ресурсларининг ягона бозорини шакллантиришга ҳаракат қилиш, глобал иқтисодиёт шароитида миллий иқтисодиётларнинг рақобатбардошлигини ошириш, ҳар томонлама модернизациялаш ва ўзаро кооперацияни ривожлантиришдан иборат.
