https://sputniknews.uz/20240129/ozbekiston-1-fevral-yangiliklar-42248132.html

Ўзбекистонликларни 1 февралдан қандай янгиликлар кутмоқда – тафсилотлар

Ўзбекистонликларни 1 февралдан қандай янгиликлар кутмоқда – тафсилотлар

Sputnik Ўзбекистон

Ўзбекистонда 1 февралдан мамлакат ижтимоий-иқтисодий ҳаётининг турли жабҳаларида қатор янгиликлар кутилмоқда.

2024-01-29T09:27+0500

2024-01-29T09:27+0500

2024-01-29T12:19+0500

жамият

ўзбекистон

импорт

тадбиркор

божхона

яшил энергия

аёллар

суд

кредит

нималар ўзгаради

https://cdn1.img.sputniknews.uz/img/07e8/01/17/42152871_484:0:4125:2048_1920x0_80_0_0_eb92674ed227694634d3224fb9d1df0f.jpg

ТОШКЕНТ, 29 янв — Sputnik. Ўзбекистонда 1 февралдан бошлаб “оила судялари” пайдо бўлади, фуқароларнинг маълум тоифалари учун шартнома асосида ижтимоий хизматлар кўрсатилади, жисмоний шахслардан олинадиган даромад солиғининг қатъий белгиланган суммалари бўйича солиқ ставкалари оширилади. Бу ва бошқа ўзгаришлар — Sputnik Ўзбекистон материалида.Фуқаролик ишларини “оилавий судялар” ҳал қиладиСинов тариқасида фуқаролик ишлари бўйича Самарқанд, Наманган ва Мирзо Улуғбек туманлараро судларида оилавий низоларни кўриш учун мазкур судларнинг икки нафар судяси ихтисослаштирилган ҳолда “оилавий судялар” жорий этилади.Ижтимоий хизматлар шартнома асосида амалга ошириладиРеестрга киритилган ёлғиз кексалар ва ногиронларга давлат томонидан кафолатланган ижтимоий хизматлар ва ёрдам ижтимоий хизматлар кўрсатиш шартномаси асосида кўрсатилади.Микромолиявий банклар ишга тушириладиМикромолия ташкилотлари асосий банк хизматларини тақдим этишади.Шундан келиб чиқиб, келгуси йилда молиявий хизматлар ҳажмини 30 фоизга ошириш кутилмоқда. Шунингдек, 500 миллион доллар миқдоридаги евробондларни жойлаштириш ишлари олиб борилмоқда.Тадбиркорликни рағбатлантириш мақсадида ўзининг кичик бизнесини очган ва ижобий кредит тарихига эга бўлган шахсларга “Оилавий тадбиркорлик” дастури доирасида 50 миллион сўмгача, ўз фаолиятини кенгайтириш истагида бўлганлар учун эса 100 миллион сўмгача гаровсиз кредитлар ажратиш тўғрисида қарор қабул қилинди. Тадбиркорликка илк қадам қўяётган якка тартибдаги тадбиркорларга кредит ажратиш таклифи ҳам маъқулланди.Жисмоний шахслардан олинадиган даромад солиғи аҳоли учун қатъий белгиланган ставкада ошадиШу йилнинг 1 февралидан бошлаб ягона даромад солиғи ставкалари кўтариладиУлар 10 фоизга ошади. Айланмаси 500 миллион сўмгача бўлган солиқ тўловчилар учун солиқ миқдорини жорий 20 миллион сўмдан йилига 25 миллион сўмга ошириш таклиф этилмоқда. 500 миллион сўм айланмаси бўлган солиқ тўловчилар учун 1 миллиард сўмгача — амалдаги 30 миллион сўмдан 34 миллион сўмгача.Тадбиркор барқарорлик рейтинги жорий этиладиРейтинги юқори бўлган корхоналар барча текширувлардан озод қилинади ва уларга қатор имтиёзлар берилади. Рейтинг Солиқ қўмитасининг “Тадбиркорлар барқарорлиги рейтинги” электрон платформасида идоралараро маълумотлар алмашинуви орқали автоматик тарзда (онлайн) шакллантирилади ва Савдо-саноат палатасининг расмий веб-сайтида эълон қилинади.Божхона тўловларини тўлаш кечиктириладиЭндиликда қайта тикланувчи энергия манбалари ва улар учун ускуналар, хомашё, бутловчи буюмлар ва эҳтиёт қисмларни олиб киришда божхона тўловларини фоизсиз 120 кун муддатга кечиктиришга рухсат берилади.“Яшил энергия” тизими ишлай бошлайди“Яшил Энергия” ахборот тизими тўлиқ функцияли режимда ишлайди. Божхона қўмитасига тизимнинг Энергетика вазирлиги тасарруфига ўтказилишини белгиланган тартибда таъминлаш топширилди.Хотин-қизлар учун касаначиликка оид касб-ҳунар ўрганиш курслари бошланмоқдаТаълим муассасаларида касаначилик ва ҳунармандчилик йўналишида аёллар тадбиркорлигини йўлга қўйиш, ривожлантириш ва такомиллаштириш бўйича касбий ўқув курслари йўлга қўйилади. Ушбу курслар билан боғлиқ харажатлар тасдиқланган харажатлар сметаси доирасида Оила ва аёлларни қўллаб-қувватлаш давлат мақсадли жамғармаси маблағлари ҳисобидан молиялаштирилади.Таълим муассасаларида мутахассислик бўйича таҳсил олаётган ҳар бир битирувчининг ўқув харажатларининг 70 фоизи давлат томонидан қопланади, лекин БҲМнинг беш бараваридан кўп бўлмаган миқдорда.Импорт қилинган электр жиҳозлари дилерлар томонидан сотиладиЭндиликда бир қатор электротехника маҳсулотларини Ўзбекистонга олиб киришда ишлаб чиқарувчининг ваколатли вакиллари ёки расмий дилерлари бўлиши талаб этилади. Улар сифат, маҳсулот хавфсизлиги, хизмат кўрсатиш кафолатларини таъминлаши, шунингдек, сотишдан кейинги хизматларга эга бўлиши керак.

ўзбекистон

2024

Янгиликлар

uz_UZ

ўзбекистон 1 февраль янгиликлар қонунчилик нималар ўзгаради февралдан