Исроил Ғазо секторида ўз мақсадларига эриша олмади — таҳлилчи
© AP Photo / Israel Defense Forces
Oбуна бўлиш
Таҳлилчи: Исроил Ғазо секторидаги 100 кунлик уруш давомида мақсадларига эриша олмади.
ТОШКЕНТ, 15 янв — Sputnik. Исроил Фаластиннинг Ғазо секторидаги 100 кунлик уруш давомида ўз мақсадларига эриша олмади, гаровга олинганлар ҳамон озод қилинмаган ва фаластинликлар ҳаттоки анклавнинг деярли бутунлай босиб олинган шимолида ҳам ҳужумлар уюштиришда давом этмоқда. Бу ҳақда ёзувчи ва сиёсий таҳлилчи Мхаймер Абу Саада 100 кунлик уруш натижаларини РИА Новости учун изоҳлади.
“Исроил Ғазо секторида фаластинликларнинг 4% га яқинини ўлдиришга ва яралашга муваффақ бўлди, 70% га яқин уйлар ва фуқаролик инфратузилмасини вайрон қилди. Бироқ Исроил ҳали ҳам ҲАМАС билан шуғулланма олмаган ва ҳарбий салоҳиятини йўқ қилганича йўқ, Ғазодан гаровга олинганларни ҳарбий куч ишлатиб озод қилгани йўқ”, — деди Абу Саада.
Унинг эслатишича, Исроилнинг мақсадлари бу уруш бошида шакллантирилган, улар ҲАМАСни йўқ қилиш, ҳаракат вакилларини ҳокимиятдан четлатиш ва исроиллик гаровга олинганларни озод этишни ўз ичига олган, аммо буларнинг ҳеч бири амалга ошмаган.
“Исроил Ғазонинг деярли барча шимолини ва Ғазо водийсининг шимолини эгаллаб олди, бироқ шимолда Фаластин қаршиликлари тўхтагани йўқ. Исроил армияси марказий қисмга, шарқда Хон-Юнисга қараб олдинга ўтди. Бу уруш охирига келиб Исроил бутун Ғазо секторини қайта эгаллаши мумкин, аммо Фаластин қаршиликлари таслим бўлмайди ва курашни давом эттиради, гарчи афтидан исроилликлар фаластинликларни Ғазо секторидан сиқиб чиқармоқчи бўлса ҳам”, — дея қўшимча қилди таҳлилчи.
Бундан ташқари, унинг фикрича, Фаластин қаршилик ҳаракати Исроилда ички сиёсий даражада ўз кун тартибини жорий этиш, мамлакатнинг сиёсий ва ҳарбий раҳбарияти ўртасида бўлинишни юзага келтириш, шунингдек, Исроилда барча исроиллик гаровга олинганларни озод қилиш бўйича ҲАМАС билан келишувга эришишга чақирувчи жамоатчилик фикрини яратишга муваффақ бўлди.
Бироқ, сиёсатшуноснинг фикрича, Фаластин ҳаракатлари учун, зудлик билан ўт очишни тўхтатиш бўйича умумий истакларига қарамай, фақат фаластинлик асирлар эвазига исроиллик гаровга олинганларни озод қилиш устувор вазифа ва улар тан олишга тайёр эмаслар.
