Ўзбекистон ва Қатар муносабатларни стратегик шериклик даражасига олиб чиқади
Oбуна бўлиш
Шавкат Мирзиёевнинг Ўзбекистонда Коррупцияга қарши курашиш бўйича минтақавий марказ ташкил этиш ташаббуси қўллаб-қувватланди.
ТОШКЕНТ, 19 дек — Sputnik. Ўзбекистон президенти ва Қатар амири икки томонлама муносабатларни стратегик шериклик даражасига олиб чиқишга келишиб олишди. Бу ҳақда давлат раҳбари матбуот хизмати хабар берди.
Ўзбекистон президенти Шавкат Мирзиёев ва Қатар Давлати амири шайх Тамим бин Ҳамад Ол Соний учрашув ўтказишди.
Ўзбекистон президенти Шавкат Мирзиёев ва Қатар Давлати Амири шайх Тамим бин Ҳамад Ол Соний учрашув ўтказишди.
Учрашувда янги қўшма инвестиция лойиҳаларини, шу жумладан “яшил” энергетика, саноат, қишлоқ хўжалиги, инфратузилмани ривожлантириш, банк-молия, таълим, соғлиқни сақлаш, туризм соҳаларида илгари суришга алоҳида эътибор қаратилди.
Ўзбекистон президенти Шавкат Мирзиёев ва Қатар Давлати Амири шайх Тамим бин Ҳамад Ол Соний учрашув ўтказишди.
“Транспорт ва логистика борасидаги ҳамкорликни янада кенгайтириш йўллари кўриб чиқилди. Хусусан, Қатар томони Трансафғон темир йўлини барпо этиш лойиҳасини тўлиқ қўллаб-қувватлади”, — дейилади хабарда.
2024 йилда Доҳа шаҳрида қўшма Ҳукуматлараро комиссия ва Ишбилармонлик кенгашининг биринчи йиғилишларини, икки мамлакат бизнес форумини ташкил этиш муҳимлиги қайд этилди.
Томонлар келгуси йилда маданий-гуманитар тадбирларни ўтказиш масалаларини ҳам муҳокама қилишди.
Ўзбекистон президенти Шавкат Мирзиёев ва Қатар Давлати Амири шайх Тамим бин Ҳамад Ол Соний учрашув ўтказишди.
“Эришилган келишувлар ўз вақтида ижро этилишини таъминлаш мақсадида Ўзбекистон ва Қатар етакчилари икки мамлакат ташқи сиёсат идоралари раҳбарлари даражасида Мувофиқлаштириш кенгашини тузиш лозимлигини таъкидладилар”, — дейилади хабарда.
Шавкат Мирзиёевнинг Ўзбекистонда БМТ шафелигида Коррупцияга қарши курашиш бўйича минтақавий марказ ташкил этиш ташаббуси қўллаб-қувватланди.
