КХШТ саммитида қандай ҳужжатлар имзоланди
© Sputnik / Сергей Гунеев
/ Oбуна бўлиш
КХШТ аъзо давлатлар раҳбарлари саммит якунлари бўйича ҳужжатлар тўпламини имзолашди.
ТОШКЕНТ, 26 ноя — Sputnik. Коллектив хавфсизлик шартномаси ташкилотига (КХШТ) аъзо давлатлар раҳбарлари Минскда ўтказилган саммит якунлари бўйича ҳужжатлар тўпламини имзолашди. Бу ҳақида РИА Новости хабар берди.
“Барча масалалар КХШТ низом органларининг йиғилишларида кўриб чиқилди ва маъқулланди ва имзолашга тайёр”, — деди КХШТ Бош котиби Имангали Тасмагамбетов ялпи мажлисда.
Имзоланган ҳужжатлар орасида КХШТ Кенгашининг ташкилот фаолиятининг асосий тамойилларини таъкидлашга қаратилган декларацияси ҳам бор. Ҳужжатда КХШТнинг халқаро хавфсизликнинг долзарб масалалари бўйича позицияси ифодаланган.
Саммитда қуйидаги ҳужжатлар имзоланди:
КХШТ декларацияси;
Инқирозий вазиятларга жавоб тизимини такомиллаштириш ҳақидаги қарор;
Ўзаро ҳисоб-китобларни амалга ошириш тартиби тўғрисида;
Бирлашган штаб бошлиғи тўғрисида қарор;
Бирлашган штабнинг тузилиши тўғрисида қарор;
Котибиятида лавозимларини тақсимлаш тўғрисида қарор;
2024 йилги бюджети тўғрисида қарор;
Қўшма матбуот маркази тўғрисидаги қарор.
КХШТ доирасида биологик қуролга қарши кураш бўйича навбатдаги йиғилиш декабрь ойида Санкт-Петербургда ўтказилиши режалаштирилган. Бу ҳақда Минскдаги КХШТ саммити чоғида Владимир Путин маълум қилди.
Россия Федерацияси раҳбарининг таъкидлашича, КХШТ мувофиқлаштириш кенгашининг асосий эътибори биологик хавфсизликдир — биологик қуролларни ишлаб чиқиш ва қўллаш билан боғлиқ таҳдидларнинг олдини олиш, радиациявий, кимёвий ва тиббий ҳимояни таъминлаш масалалари.
Путин КХШТ саммитида терроризмга қарши кураш бўйича “Ёлланма” операцияси ҳақида ҳам гапирди.
“Разведка хизматлари ва ҳуқуқ-тартибот идоралари ўртасидаги ҳамкорлик изчил мустаҳкамланиб бормоқда. Хусусан, КХШТнинг мамлакатларимиз фуқароларини халқаро террористик гуруҳлар фаолиятида иштирок этиш учун ёллаш ва чиқиш каналларини ёпишга чек қўйишга қаратилган “Ёлланма” операцияси давом эттирилди”, — деди у.
Россия президентининг сўзларига кўра, Ташқи ишлар вазирликлари, Мудофаа вазирликлари, Хавфсизлик кенгашлари ва парламентлар ўртасидаги самарали ҳамкорлик туфайли КХШТ мамлакатлари минтақавий ва халқаро кун тартибидаги долзарб масалалар бўйича позицияларини тезкорлик билан мувофиқлаштирди.
“Бу йил КХШТнинг табиий ҳамкорларимиз, Шанхай ҳамкорлик ташкилоти ва МДҲ давлатлари билан алоқалари ҳам ривожлангани муҳим”, — дея қўшимча қилди Путин.
Россия раҳбари КХШТнинг коллектив тезкор жойлаштириш ва тезкор жавоб кучлари, авиация ва тинчликпарвар кучларини такомиллаштириш бўйича биргаликдаги саъй-ҳаракатларга алоҳида эътибор қаратди.
Беларусь президенти Александр Лукашенко Путин КХШТ бўйича ҳамкасбларини Санкт-Петербургдаги МДҲ ва ЕОИИ йиғилишларига ҳам таклиф қилди. Бундан ташқари, Россия президенти КХШТ мамлакатлари ўзларининг умумий тарихи билан боғлиқ бўлажак унутилмас саналарни муносиб нишонлашига ишонч билдирди.
КХШТ доирасидаги қўшма тадбирлар давлатларимиз ва халқларимиз бирдамлигига, умумий тарихимиз ва ютуқларимиз хотирасини асрашга хизмат қилиши жуда муҳим.
“Ишончимиз комилки, барчамиз 2025 йилда Улуғ Ватан урушидаги Ғалабанинг саксон йиллигини муносиб нишонлашга тайёргарлик кўрамиз. келаси йил, 2024 йил эса Беларусь озод қилинганининг саксон йиллиги ва Ленинград қамалининг олиб ташланганига саксон йил тўлади”, — деди Путин.
2023 йилда Минск олти давлат: Арманистон, Беларусь, Қозоғистон, Қирғизистон, Россия ва Тожикистонни ўз ичига олган КХШТга раислик қилмоқда. КХШТ навбатдаги йиғилиши 2024 йилнинг тўртинчи чорагида Остона шаҳрида ўтказилиши режалаштирилган.
КХШТга — Россия, Арманистон, Беларус, Қозоғистон, Қирғизистон ва Тожикистон киради. Минскдаги музокараларда Арманистон иштирок этмади.
