Боевая подготовка подразделений ВДВ на полигоне в зоне СВО. - Sputnik Ўзбекистон, 1920, 24.02.2022
Россиянинг Донбассдаги махсус ҳарбий операцияси
Россия 21 февраль куни Донецк ва Луганск халқ республикаларини тан олишини эълон қилди, 24 февраль куни эса Владимир Путин Донбассда махсус ҳарбий операция бошланганини маълум қилди. Россия Мудофаа вазирлиги Украина ҳарбий инфратузилмасига, хусусан қурол-яроғ омборлари ва аэродромларга зарба берди.

Россия ҳарбийлари Запорожьеда Украина ҚКнинг учта ҳужумини қайтарди

© Sputnik / Евгений Биятов / Медиабанкка ўтишОператоры БпЛА ЦВО проходят обучение в применении "агитационных дронов" в зоне проведения СВО
Операторы БпЛА ЦВО проходят обучение в применении агитационных дронов в зоне проведения СВО - Sputnik Ўзбекистон, 1920, 20.09.2023
Oбуна бўлиш
Роговнинг қўшимча қилишича, рус қўшинлари ўз позицияларини ушлаб турибди ва душманга мудофаа чизиғини ёриб ўтишга имкон бермаяпти.
ТОШКЕНТ, 20 сен — Sputnik. Россия ҳарбийлари Запорожье вилоятининг Работино туманида Украина қуролли кучларининг учта ҳужумини қайтарди, дея маълум қилди “Биз Россия билан биргамиз” маҳаллий жамоат ҳаракати раҳбари Владимир Рогов РИА Новостига.
“Бугун фронтнинг Ореховский участкасида жуда иссиқ. Кун давомида душман учта ҳужум уюштирди, уларни бизнинг йигитлар қайтарди, ҳозир тўртинчиси давом этмоқда. Бу азобми ёки қарши ҳужумнинг учинчи тўлқинини бошлашга уринишми, буни яқин келажак кўрсатади”, - деди агентлик суҳбатдоши.
Роговнинг қўшимча қилишича, душман муваффақиятга эришмаяпти, рус қўшинлари ўз позицияларини ушлаб турибди ва душманга мудофаа чизиғини ёриб ўтишга имкон бермаяпти.
Россия Мудофаа вазирлиги маълумотларига кўра, кеча Россия Қуролли кучлари Вербовое аҳоли пункти ҳудудида Украина Қуролли кучларининг 71-егер бригадасининг ҳужумини қайтарган.
Украина Қуролли кучлари тўрт ойдан бери Южнодонецк, Артёмовск ва Запорожье йўналишларида НАТО томонидан тайёрланган ва Ғарб ҳарбий техникаси билан қуролланган жанговар бригадаларни ташлаб, қарши ҳужумни амалга оширмоқда. Бироқ, улар фронтнинг бирон бир участкасида муваффақиятга эриша олмади.
Россия Мудофаа вазирлигининг сентябрь ойидаги маълумотларига кўра, қарши ҳужум бошланганидан бери Украина Қуролли кучлари 66 мингдан ортиқ одам ва 7,6 минг қурол йўқотган.
Янгиликлар лентаси
0