https://sputniknews.uz/20230905/ozbekiston-naqd-valyuta-bojxona-deklaratsiya-38602268.html

Нақд валютани божхонадан декларациясиз олиб ўтиш миқдори оширилмоқда

Нақд валютани божхонадан декларациясиз олиб ўтиш миқдори оширилмоқда

Sputnik Ўзбекистон

Қарорга кўра жисмоний шахслар томонидан олиб кирилаётган ва олиб чиқиб кетилаётган 100 миллион сўм эквивалентидан ортиқ миқдордаги Ўзбекистон нақд валютаси ва (ёки) нақд чет эл валютаси йўловчи божхона декларациясини тўлдириш ва божхона органи ходимига тақдим этиш йўли билан божхона назоратидан ўтказилади. Илгари 70 миллион сўм эди.

2023-09-05T18:38+0500

2023-09-05T18:38+0500

2023-09-05T18:51+0500

иқтисод

сиёсат

ўзбекистон

божхона

https://cdn1.img.sputniknews.uz/img/07e7/07/0c/36808530_0:160:3072:1888_1920x0_80_0_0_b88ac49bbc9808aa3417fd3276dcc497.jpg

ТОШКЕНТ, 5 сен — Sputnik. Ўзбекистон Вазирлар Маҳкамасининг 4 сентябрдаги қарори билан Ҳукуматнинг айрим қарорларига ўзгартириш ва қўшимчалар киритилди.Қарорга кўра жисмоний шахслар томонидан олиб кирилаётган ва олиб чиқиб кетилаётган 100 миллион сўм эквивалентидан ортиқ миқдордаги Ўзбекистон нақд валютаси ва (ёки) нақд чет эл валютаси йўловчи божхона декларациясини тўлдириш ва божхона органи ходимига тақдим этиш йўли билан божхона назоратидан ўтказилади. Илгари 70 миллион сўм эди.Жисмоний шахслар декларация тўлдириш талаб этиладиган белгиланган эквивалентдан ортиқ миқдордаги нақд валюта маблағларини божхона назорати шакллари қўлланилмасдан олдин декларацияламаган ҳолда божхона органлари ходимларига маслаҳат олиш мақсадида тақдим этганда, божхона органлари ходимлари жисмоний шахсларга декларация тўлдириш қоидалари билан боғлиқ умумий тушунтиришлар беради. Илгари бу қоида мавжуд эмас эди.Бу қарор расмий эълон қилинган кундан эътиборан 3 ой ўтгач кучга киради.

ўзбекистон

2023

Янгиликлар

uz_UZ

ўзбекистон валюта олиб кириш олиб чиқиш миқдор декларациясиз