Россия Ўзбекистон билан божхона хизматлари тўғрисидаги битимни маъқуллади

© Sputnik / Пресс-служба Совета Федерации РФ / Медиабанкка ўтишРоссия Федерация кенгаши ялпи мажлиси, архив сурат
Россия Федерация кенгаши ялпи мажлиси, архив сурат - Sputnik Ўзбекистон, 1920, 28.07.2023
Обуна бўлиш
НовостиTelegram
Мазкур битим 2022 йил 2 декабрь куни Самарқанд шаҳрида имзоланган.
ТОШКЕНТ, 28 июл — Sputnik. Россия Федерация кенгаши ўзининг ялпи мажлисида Ўзбекистон Республикаси ва Россия Федерацияси божхона хизматлари ваколатхоналарини очиш тўғрисидаги битимни ратификация қилиш тўғрисидаги қонунни маъқуллади. Бу ҳақда РИА Новости хабар бермоқда.
Битим 2022 йил 2 декабрь куни Самарқанд шаҳрида икки давлат ҳукуматлари ўртасида имзоланган эди.
Божхона хизмати ваколатхонаси қуйидаги вазифаларни бажаради: божхона масалаларини тартибга солишда ўз давлатининг божхона хизмати манфаатларини ифодалайди, давлатлар ўртасида божхона ҳамкорлигини ривожлантиришга кўмаклашади, божхона соҳасида давлатларнинг халқаро шартномаларини амалга ошириш бўйича тадбирларда иштирок этади.
Шунингдек, ваколатхоналар икки давлат божхона соҳасидаги норматив-ҳуқуқий базани яқинлаштириш бўйича таклифлар ишлаб чиқади. Божхона хизматлари мансабдор шахсларининг касбий тайёргарлиги ва малакасини оширишни ташкил этиш масалаларини келишишда иштирок этади.
Эслатиб ўтамиз, 13 июль куни Ўзбекистон президенти Шавкат Мирзиёев Ўзбекистон ва Россия божхона хизматлари ваколатхоналарини очиш тўғрисидаги битимни тасдиқлаган эди.
Янгиликлар лентаси
0