https://sputniknews.uz/20230709/kuzatuvchilar-saylov-haqida-nima-dedi-36731676.html
Кузатувчилар сайлов ҳақида нима деди — МСК
Кузатувчилар сайлов ҳақида нима деди — МСК
Sputnik Ўзбекистон
Халқаро кузатувчилар Ўзбекистонда сайловга яхши тайёргарлик кўрилганини ва сайловда ёшлар фаол иштирокини ижобий баҳолашди.
2023-07-09T21:07+0500
2023-07-09T21:07+0500
2023-07-09T21:21+0500
ўзбекистон президенти сайлови — 2023
жамият
сайлов участкаси
сайлов кодекси
ўзбекистонда президент сайлови
https://cdn1.img.sputniknews.uz/img/07e7/07/09/36731909_0:67:1280:787_1920x0_80_0_0_9d7b6928cc8307fc309402ab652983a5.jpg
ТОШКЕНТ, 9 июл — Sputnik. МСКда Ўзбекистон президенти сайлови жараёнларини кузатиб бориш мақсадида Ўзбекистонга ташриф буюрган кузатувчилар билан учрашув бўлиб ўтди. Улар қаторида Хитой Халқ Республикаси ТИВ элчиси Ван Кайвен, Россия Федерацияси МСК раиси ўринбосари Николай Булаев, Туркманистон МСК раиси Гулмурад Мурадов, Шанхай ҳамкорлик ташкилоти Бош котиби Чжан Мин бошчилигида делегациялар ташриф буюришди.Хитой Халқ Республикаси ТИВ элчиси Ван Кайвен:- Бугун кун давомида 7 та сайлов участкасида бўлдик. Сайловчилар билан, сайлов комиссияси аъзолари билан суҳбатлашдик. Ишонч билан айта оламанки, ушбу сайлов жараёнларига Марказий сайлов комиссияси юқори даражада тайёргарлик кўрган. Қисқа муддат ичида ушбу йирик сиёсий тадбирга тайёргарлик кўриш учун МСК жуда қаттиқ меҳнат қилганлиги кўриниб турибди. Сайловчиларнинг кайфияти юқори даражада. Улар жуда ҳам фаол. Айниқса ёшларнинг сайлов участкаларида фаол эканликларига гувоҳ бўлдик.Россия Федерацияси МСК раиси ўринбосари Николай Булаев:- Ўзбекистонда ўтказилган бир неча сайлов кампанияларни кузатиб борганмиз. Бу сафарги сайловда фуқароларнинг сайловдаги иштироки юқори эканлигини таъкидламоқчиман. Марказий сайлов комиссияси ўз фаолиятини халқаро стандартларга кўра юқори савияда амалга оширди. Сайловчилар учун эркин овоз бериш имконияти яратилган. Ногиронлиги бор шахсларга ҳам биз ташриф буюрган участкаларда барча имкониятлар мавжуд эди. Сайловчиларнинг ягона электрон рўйхати эса сайлов жараёнларининг янада шаффоф ва адолатли ўтишига ёрдам беради. Марказий сайлов комиссияси барча даражадаги комиссия аъзоларини сифатли тарзда ўқитганлиги Самарқанддаги учрашувларимизда аён бўлди. Улар сайлов қонунчилиги талабларидан хабардор ва ўз ишига масъулият билан ёндошмоқда.Шанхай ҳамкорлик ташкилоти Бош котиби Чжан Мин:- Бизнинг кузатувчилик фаолиятимиз бир неча кун олдин бошланди. Биз эрталаб сайлов участкаларининг очилишида иштирок этдик. Барчаси қонунчилик талабларига мувофиқ амалга оширилганлигига гувоҳ бўлдик. Миссиямиз 6 гуруҳга бўлинган ҳолда бир неча ўнлаб сайлов участкаларида овоз бериш жараёнларини кузатдик. Шахсан ўзим сайлов участкаларига ота-оналар ўзлари билан ҳали сайлов ёшига етмаган фарзандларини олиб келганидан хурсанд бўлдим. Чунки болаларнинг сайлов участкасига келиб, овоз бериш тартибидан, сайлов жараёнларидан хабардор бўлишга интилишлари қувонарли ҳолат. Сайловчиларнинг сайловдаги фаол иштироки Марказий сайлов комиссиясининг сайлов жараёнлари тўғрисида аҳолини хабардор қилишда кенг миқёсда ишлар олиб борганлигидан далолат беради.Кузатувчилар сайлов жараёнларига Марказий сайлов комиссияси томонидан халқаро стандартларга мувофиқ юқори савияда таёргарлик кўрилганлиги, сайлов комиссиялари ўз фаолиятини сайлов қонунчилигига кўра амалга ошираётганлигини алоҳида этироф этди. Сайлов кўтаринки руҳда, уюшқоқлик билан ўтаётганлиги, сайловчиларнинг фаоллиги таъкидлаб ўтилди.
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2023
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
халқаро кузатувчилар ўзбекистон сайлов
халқаро кузатувчилар ўзбекистон сайлов
Кузатувчилар сайлов ҳақида нима деди — МСК
21:07 09.07.2023 (янгиланди: 21:21 09.07.2023) Халқаро кузатувчилар Ўзбекистонда сайловга пухта тайёргарлик кўрилганини ва ёшлар фаол иштирокини ижобий баҳолашди.
ТОШКЕНТ, 9 июл — Sputnik. МСКда Ўзбекистон президенти сайлови жараёнларини кузатиб бориш мақсадида Ўзбекистонга ташриф буюрган кузатувчилар билан учрашув бўлиб ўтди.
Улар қаторида Хитой Халқ Республикаси ТИВ элчиси Ван Кайвен, Россия Федерацияси МСК раиси ўринбосари Николай Булаев, Туркманистон МСК раиси Гулмурад Мурадов, Шанхай ҳамкорлик ташкилоти Бош котиби Чжан Мин бошчилигида делегациялар ташриф буюришди.
Хитой Халқ Республикаси ТИВ элчиси Ван Кайвен:
- Бугун кун давомида 7 та сайлов участкасида бўлдик. Сайловчилар билан, сайлов комиссияси аъзолари билан суҳбатлашдик. Ишонч билан айта оламанки, ушбу сайлов жараёнларига Марказий сайлов комиссияси юқори даражада тайёргарлик кўрган. Қисқа муддат ичида ушбу йирик сиёсий тадбирга тайёргарлик кўриш учун МСК жуда қаттиқ меҳнат қилганлиги кўриниб турибди. Сайловчиларнинг кайфияти юқори даражада. Улар жуда ҳам фаол. Айниқса ёшларнинг сайлов участкаларида фаол эканликларига гувоҳ бўлдик.
Россия Федерацияси МСК раиси ўринбосари Николай Булаев:
- Ўзбекистонда ўтказилган бир неча сайлов кампанияларни кузатиб борганмиз. Бу сафарги сайловда фуқароларнинг сайловдаги иштироки юқори эканлигини таъкидламоқчиман. Марказий сайлов комиссияси ўз фаолиятини халқаро стандартларга кўра юқори савияда амалга оширди. Сайловчилар учун эркин овоз бериш имконияти яратилган. Ногиронлиги бор шахсларга ҳам биз ташриф буюрган участкаларда барча имкониятлар мавжуд эди. Сайловчиларнинг ягона электрон рўйхати эса сайлов жараёнларининг янада шаффоф ва адолатли ўтишига ёрдам беради. Марказий сайлов комиссияси барча даражадаги комиссия аъзоларини сифатли тарзда ўқитганлиги Самарқанддаги учрашувларимизда аён бўлди. Улар сайлов қонунчилиги талабларидан хабардор ва ўз ишига масъулият билан ёндошмоқда.
Шанхай ҳамкорлик ташкилоти Бош котиби Чжан Мин:
- Бизнинг кузатувчилик фаолиятимиз бир неча кун олдин бошланди. Биз эрталаб сайлов участкаларининг очилишида иштирок этдик. Барчаси қонунчилик талабларига мувофиқ амалга оширилганлигига гувоҳ бўлдик. Миссиямиз 6 гуруҳга бўлинган ҳолда бир неча ўнлаб сайлов участкаларида овоз бериш жараёнларини кузатдик. Шахсан ўзим сайлов участкаларига ота-оналар ўзлари билан ҳали сайлов ёшига етмаган фарзандларини олиб келганидан хурсанд бўлдим. Чунки болаларнинг сайлов участкасига келиб, овоз бериш тартибидан, сайлов жараёнларидан хабардор бўлишга интилишлари қувонарли ҳолат. Сайловчиларнинг сайловдаги фаол иштироки Марказий сайлов комиссиясининг сайлов жараёнлари тўғрисида аҳолини хабардор қилишда кенг миқёсда ишлар олиб борганлигидан далолат беради.
Кузатувчилар сайлов жараёнларига Марказий сайлов комиссияси томонидан халқаро стандартларга мувофиқ юқори савияда таёргарлик кўрилганлиги, сайлов комиссиялари ўз фаолиятини сайлов қонунчилигига кўра амалга ошираётганлигини алоҳида этироф этди. Сайлов кўтаринки руҳда, уюшқоқлик билан ўтаётганлиги, сайловчиларнинг фаоллиги таъкидлаб ўтилди.
