"Исён барибир бостирилган бўларди": Путиннинг асосий баёнотлари
08:21 27.06.2023 (янгиланди: 14:34 27.06.2023)
© Sputnik / POOL
/ Oбуна бўлиш
Владимир Путин Россия фуқароларига мурожаат қилиб, “Вагнер” хусусий ҳарбий компанияси раҳбари (ХҲК) жангчиларига кафолатларни тасдиқлади.
ТОШКЕНТ, 27 июн — Sputnik. Қўзғолон ташкилотчилари катта босим остида бўлган ўз ватанларига хиёнат қилишди. Бу ҳақда Владимир Путин Россия халқига йўллаган мурожаатида маълум қилди.
Унинг сўзларига кўра, қуролли қўзғолон ҳар қандай ҳолатда ҳам бостирилган бўларди. Қўзғолон ташкилотчилари, адекватлигини йўқотган бўлсалар ҳам, буни тушунишдан бошқа иложи йўқ эди.
"Улар ҳамма нарсани, шу жумладан, улкан ташқи таҳдид билан юзма-юз келаётган мамлакатни парчалаш ва заифлаштириш учун жиноий ҳаракатларга борганликларини ҳам тушундилар. Бироқ қўзғолон ташкилотчилари ўз юртига, халқига хиёнат қилиб, жиноятга тортилганларга ҳам хиёнат қилдилар", деди у.
Путиннинг асосий баёнотлари:
Президент россияликларга чидамлилик, бирдамлик ва ватанпарварлик учун миннатдорчилик билдирди, ҳар қандай шантаж ва ғалаёнлар барбод бўлишини таъкидлади;
Қуролли исён барибир бостирилган бўларди, исён ташкилотчилари буни яхши билишган;
Путин жамоатчилик, партиялар, диний ташкилотлар, бутун жамият конституциявий тузумни қўллаб-қувватлашда қатъий позицияни эгаллаганини таъкидлади;
Исён ташкилотчилари ватанга хиёнат қилиб, улар билан бирга бўлганларга хиёнат қилишди;
Шанба куни содир бўлган воқеаларда ҳалок бўлган қаҳрамон учувчиларнинг жасорати ва фидойилиги даҳшатли оқибатлардан қутқарди;
"Вагнер" жангчиларининг аксарияти Россияга содиқ ватанпарварлар, улардан "кўрмасдан иш қилиш" тарзида фойдаланилган, деди Путин;
Президентнинг бевосита қарори билан қон тўкилишини олдини олишга қаратилган;
Путин охирги чизиқда тўхтаб, қон тўкилишига бормаган "Вагнер" аскарларига миннатдорчилик билдирди;
Путин Лукашенкога "Вагнер" билан боғлиқ вазиятни ҳал қилишга қўшган ҳиссаси учун миннатдорчилик билдирди;
Путин "Вагнер" жангчиларига Мудофаа вазирлиги билан шартнома имзолашни, уйга қайтишни ёки Беларусга боришни таклиф қилди.
