Автомобил номеридаги ҳарфлар нимани англатади?
18:53 12.06.2023 (янгиланди: 18:29 16.06.2023)
Oбуна бўлиш
Автомобилларнинг давлат рақамлари ИИВ Йўл ҳаракати хавфсизлиги хизмати томонидан автомототранспорт воситаларини рўйхатга олиш учун қўлланилади.
Ўзбекистонда автомобил давлат рақамларни бериш Вазирлар Маҳкамасининг 131-сонли қарори билан белгиланади.
Қарорда айтилишига кўра, давлат рақами сериясида кўрсатилган ҳарфлар ушбу транспорт воситасининг турли давлат органлари, дипломатик корпус ва халқаро такилотлар вакиллари ёки таси хизматига тегишли эканини билдиради.
Хусусан:
PAA — Президент Администрацияси ходимлари;
PSS — Президентининг хавфсизлик хизмати;
PPP — Олий Мажлис депутатлари ва сенаторлари;
APC — вазирликлар ва давлат қўмиталари раҳбарияти;
VSB, VSC, VSF, VSD, VSG, VSV, PSF — ички ишлар идоралари;
TSS, TST — давлат хавфсизлик идоралари;
ZDF — Бош прокуратура ходимлари;
DXA — Адлия вазирлиги;
FVV — Фавқулодда вазиятлар вазирлиги ходимлари;
TTA, TTB, TTC, TTD, TTE, TTF, TTG — таксилар;
D — дипломатлар (яшил рангли) учун;
CMD — элчилар, вакиллар (яшил рангли) учун;
Т — техник персонал (яшил рангли) учун;
М — хорижий фирма ва компаниялар ходимлари, инвесторлар;
Х — консулликлар, савдо ваколатхоналар;
UN — БМТ тузилмалари ваколатхонаси (кўк рангли);
H - Фуқаролиги бўлмаган шахслар (сариқ рангли).
