Урумчида Тошкент вилоятининг ваколатхонаси очилади

© Тошкент вилояти ҳокимлигиУрумчида Тошкент вилоятининг ваколатхонаси очилади
Урумчида Тошкент вилоятининг ваколатхонаси очилади - Sputnik Ўзбекистон, 1920, 08.06.2023
Oбуна бўлиш
Хитой тажрибасини ўрганиш ва ҳамкорлик алоқаларини янги босқичга олиб чиқиш мақсадида Тошкент вилояти ҳамда Шинжон-Уйғур автоном райони ўртасида ҳамкорлик йўлга қўйилди.
ТОШКЕНТ, 8 июн — Sputnik. Хитойнинг Урумчи шаҳрида Тошкент вилоятининг ваколатхонаси очилади. Бу ҳақда Тошкент вилояти ҳокими Зойир Мирзаев қарор имзолади, деб хабар бермоқда вилоят ҳокимлиги матбуот хизмати.
Таъкидланишича, Хитой тажрибасини ўрганиш ва ҳамкорлик алоқаларини янги босқичга олиб чиқиш мақсадида Тошкент вилояти ҳамда Шинжон-Уйғур автоном райони ўртасида ҳамкорлик йўлга қўйилди.
“Тошкент вилоятининг Урумчи шаҳрида очилиши кўзда тутилган ваколатхонаси фаолияти мувофиқлаштирилади”, - дейилади хабарда.
Шу билан бирга, томонлар ўртасида Шинжон-Уйғур автоном райони билан юқори технологиялар, инновациялар, саноат, энергетика, инфратузилмани ривожлантириш, транспорт, логистика, қишлоқ хўжалиги, туризм ва бошқа йўналишларда амалий ҳамкорлик кенгайтирилади.
Зойир Мирзаев Урумчида Тошкент вилоятининг ваколатхонасини очиш бўйича ташаббусини Хитойга бўлган ташрифи доирасида илгари сурган эди.
Янгиликлар лентаси
0