Остонада терроризмни молиялаштиришга қарши курашиш масалалари муҳокама қилинди

© Сенат Олий МажлисаЕвроосиё гуруҳига аъзо давлатлар парламентларининг II форуми
Евроосиё гуруҳига аъзо давлатлар парламентларининг II форуми - Sputnik Ўзбекистон, 1920, 08.06.2023
Oбуна бўлиш
Наримон Умаров терроризм ва экстремизмни молиялаштиришга қарши курашиш бўйича Ўзбекистонда олиб борилаётган ислоҳотлар мазмун-моҳияти тўғрисида фикр билдирди.
ТОШКЕНТ, 8 июн — Sputnik. Олий Мажлис Сенатининг Суд-ҳуқуқ масалалари ва коррупцияга қарши курашиш қўмитаси раиси Наримон Умаров Евроосиё гуруҳига аъзо давлатлар парламентларининг II форумида иштирок этди. Бу ҳақда Сенат матбуот хизмати хабар берди.
Жорий йилнинг 6 июнь куни Қозоғистоннинг Олмаота шаҳрида Жиноий даромадларни легаллаштиришга ва терроризмни молиялаштиришга қарши курашиш бўйича Евроосиё гуруҳининг 38-ялпи мажлиси доирасида Евроосиё гуруҳига аъзо давлатлар парламентлари ихтисослашган қўмиталари вакилларининг II форуми ўтказилди.
© Сенат Олий МажлисаЕвроосиё гуруҳига аъзо давлатлар парламентларининг II форуми
Сенатор принял участие во II Форуме парламентов государств-членов Евразийской группы - Sputnik Ўзбекистон, 1920, 08.06.2023
Евроосиё гуруҳига аъзо давлатлар парламентларининг II форуми
Форумда Хитой, Ҳиндистон, Қозоғистон, Қирғизистон, Тожикистон, Туркманистон, Россия, Беларусь парламентлари, шунингдек, БМТнинг терроризмга қарши кураш бўлими ва Коллектив хавфсизлик шартномаси ташкилоти Парламент Ассамблеяси вакиллари иштирок этди.
Форумда Жиноий фаолиятдан олинган даромадларни легаллаштиришга қарши курашиш бўйича молиявий чоралар ишлаб чиқувчи гуруҳ тавсияларини миллий қонунчилик ва ҳуқуқни қўллаш амалиётига жорий этиш муҳокама қилинди. Шунингдек, терроризм ва экстремизмни молиялаштиришга қарши курашиш бўйича ҳамкорлик масалалари ҳақида сўз борди.
Наримон Умаров терроризм ва экстремизмни молиялаштиришга қарши курашиш бўйича Ўзбекистонда олиб борилаётган ислоҳотлар мазмун-моҳияти тўғрисида фикр билдирди.
Форум якунида Декларация қабул қилиниб, жиноий даромадларни легаллаштиришга ва терроризмни молиялаштиришга қарши курашишга доир қонунчиликни уйғунлаштириш ҳамда такомиллаштиришга қаратилган чоралар кўриш зарурлиги белгиланди.
Янгиликлар лентаси
0