Ўзбекистон ва Қатар ўртасида 15 та ҳужжат имзоланди — фото
15:27 06.06.2023 (янгиланди: 16:34 06.06.2023)
Oбуна бўлиш
Ўзбекистон президенти ва Қатар Амири ҳузурида 15 та икки томонлама ҳужжатни имзолаш маросими бўлиб ўтди.
ТОШКЕНТ, 6 июн — Sputnik. Ўзбекистон президенти Шавкат Мирзиёев ва Қатар Амири шайх Тамим бин Ҳамад Ол Соний ҳузурида савдо-иқтисодий, инвестициявий, маданий-гуманитар ва бошқа соҳалардаги ҳамкорликни ривожлантириш ва мустаҳкамлашга қаратилган 15 та икки томонлама ҳужжатни имзолаш маросими бўлиб ўтди. Бу ҳақда Мирзиёевнинг матбуот хизмати хабар берди.
Жумладан, қуйидагилар қабул қилинди:
Инвестицияларни ўзаро рағбатлантириш ва ҳимоя қилиш тўғрисида ҳукуматлараро битим;
Икки томонлама солиққа тортишнинг олдини олиш ҳамда даромад ва мулк солиқларини тўлашдан бош тортишни бартараф қилиш тўғрисида ҳукуматлараро битим;
Божхона ишларида ўзаро кўмак кўрсатиш тўғрисида ҳукуматлараро битим;
Меҳнат муносабатлари соҳасида ҳамкорлик тўғрисида ҳукуматлараро битим;
Дипломатик паспорт эгаларини виза талабларидан озод этиш тўғрисида ҳукуматлараро битим;
Олий таълим ва илмий тадқиқотлар соҳасида ҳамкорлик тўғрисида ҳукуматлараро меморандум;
Маданият соҳасида ҳамкорлик тўғрисида ҳукуматлараро меморандум;
Савдо соҳасида ҳамкорлик тўғрисида меморандум;
Қишлоқ хўжалиги ва озиқ-овқат соҳасида ҳамкорлик тўғрисида меморандум;
Ўсимликлар карантини ва ҳимояси соҳасида ҳамкорлик тўғрисида меморандум;
Спорт ва ёшлар ишлари соҳасида ҳамкорлик тўғрисида меморандум;
Тошкент ва Доха шаҳарлари ўртасида ҳамкорлик тўғрисида меморандум.
Шунингдек, ташқи ишлар ва адлия вазирликлари ўртасида 2023-2025 йилларга мўлжалланган ҳамкорлик дастурлари ҳамда Устувор инвестиция лойиҳаларини молиялаштириш учун қўшма платформа яратиш тўғрисида келишув имзоланди.
Эслатиб ўтамиз, Самарқанд шаҳридаги Конгресс марказида Мирзиёев ва Қатар Амирининг музокаралари бўлиб ўтганди.
