Онкология - Sputnik Ўзбекистон, 1920, 21.01.2022
Бу қизиқ
Ушбу рукнимизда илм-фан, инсон соғлиги, фойдали ва зарарли озиқ-овқатлар, парҳез таомлар, шифокорлар маслаҳати ва бошқа барча учун қизиқарли маълумотлар бор.

С витамини ошиб кетиши эркаклар учун хавфли — токсиколог

© © Fotolia / Johanna MühlbauerС витамини ошиб кетиши эркаклар учун хавфли — токсиколог
С витамини ошиб кетиши эркаклар учун хавфли — токсиколог  - Sputnik Ўзбекистон, 1920, 31.05.2023
Oбуна бўлиш
Инсон организмида С витамини миқдори ортиқча бўлса бу буйракда тош пайдо бўлишига олиб келиши мумкин, айниқса эркакларда — шифокор.
Терапевт, токсиколог Алексей Водовозов инсон организмида С витаминининг миқдори меъёридан ошиб кетиши оқибатлари ҳақида айтиб берди.
Мутахассиснинг фикрига кўра, аскорбин кислотанинг хавфи жуда кичик, бироқ, баъзи ҳолларда жуда кўп витамин С истеъмол қилиш нохуш оқибатларга олиб келиши мумкин.

"Замонавий тушунчаларга кўра, С-витамини кунлик қабул қилиш юқори чегараси — 2000 мг(2г.) ни ташкил қилади. Ушбу миқдордан кўп истеъмол қилиш кўнгил айниш ва диареяга олиб келиши мумкин. Бундан ташқари, узоқ муддат давомида меъёридан ортиқ С витаминини қабул қилиш сийдикнинг РН балансини ўзгартириши мумкин. Бу эса ўз навбатида бўйракда тош пайдо бўлиш хавфига олиб келади, асосан эркакларда", - деди Водовозов.

Токсиколог, шунингдек, С витамини танқислиги нимага олиб келиши мумкинлиги ҳақида гапирди: одамда зангила (цинга) касаллигининг ўзига хос тури — искорбит ривожланиши мумкин. Бу коллаген ишлаб чиқариш бузилганлиги сабабли милкда муаммолар пайдо бўлиши, тиш тўкилиши ва яраларнинг секин битишига олиб келади.
Мутахассис тавсиясига кўра, С витаминининг кунлик истеъмол миқдори 50 дан 110 мг гача. Аскорбин кислотасини бундай миқдорда қабул қилиш танадаги унинг етишмаслиги ёки ортиқча бўлиши билан боғлиқ нохуш оқибатлардан сақлайди.
Янгиликлар лентаси
0