Қирғизистонда ЕОИИ ва МДҲ давлатларининг биринчи ёшлар форуми старт олди  - Sputnik Ўзбекистон, 1920
Ўзбекистон ва ЕОИИ
Шавкат Мирзиёев ҳукумат, экспертлар ва парламент аъзоларига Ўзбекистоннинг ЕОИИга кириш истиқболларини ҳар томонлама ўрганиб чиқиш, бу интеграциянинг барча афзалликлари ва хавф-хатарларини баҳолаб, якуний қарор қабул қилиш учун батафсил ҳисобот тақдим этилиши ҳақида топшириқ берган эди.

Мирзиёев ЕОИИни трансафғон темир йўли лойиҳасига таклиф қилди

© Пресс-служба президента УзбекистанаШавкат Мирзиёев провел видеоселекторное совещание
Шавкат Мирзиёев провел видеоселекторное совещание  - Sputnik Ўзбекистон, 1920, 25.05.2023
Обуна бўлиш
НовостиTelegram
Трансафғон темир йўли "Термиз-Мозори Шариф-Кобул-Пешовар" йўналиши бўйича қурилади ва Марказий Осиё давлаталарига Эрон ва Покистон портларига чиқиш имкони яратади.
ТОШКEНТ, 25 май – Sputnik. Ўзбекистон Президенти Шавкат Мирзиёев Евроосиё иқтисодий иттифоқи (ЕОИИ) мамлакатларини Ўзбекистон-Афғонистон-Покистон темир йўлини қуриш ташаббусида иштирок этишга таклиф қилди.
У Олий Евроосиё иқтисодий кенгаши йиғилишида видеоалоқа орқали чиқиш қилар экан, трансафғон темир йўли лойиҳаси ҳақида гапирди.

“Ҳозирги воқеликда муқобил транспорт йўлакларини шакллантириш ва барқарор таъминот занжирларини яратиш бўйича қўшма ишларни кучайтириш муҳим... Биз сизни Ўзбекистон-Афғонистон-Покистон темир йўл қурилиши бўйича лойиҳа офисининг ишига қўшилишга таклиф қиламиз", - деди президент.

Термиз-Мозори Шариф-Кобул-Пешовар йўналиши бўйича темир йўли қурилиши уч давлат раҳбарияти томонидан 2021 йил февраль ойида имзоланган эди. Лойиҳани амалга ошириш учун тахминан беш йил вақт кетиши кутилмоқда. Бу йўл Ўзбекистонга Эрон ва Покистон портларига чиқиш имконини беради.
Мирзиёев ўз нутқида иттифоқ мамлакатлари билан саноат кооперациясини чуқурлаштириш чораларини ҳам кўришга чақирди.

“Биз Евроосиё маконида янги иш ўринлари яратиш ва саноат марказларини шакллантиришнинг муҳим омили сифатида саноат кооперацияси ва маҳаллийлаштиришни чуқурлаштириш бўйича қўшма чора-тадбирларни амалга оширишни муҳим деб биламиз", – деди Ўзбекистон раҳбари.

У ассоциацияга аъзо мамлакатларни Ўзбекистонда ЕОИИ+ форматида аграр форум ўтказиш ва унга озиқ-овқат ишлаб чиқарувчи ва импорт қилувчи мамлакатлар қишлоқ хўжалиги вазирларини таклиф қилишни таклиф қилди.
Мирзиёев, шунингдек, Ўзбекистон ЕОИИ мамлакатлари билан миллий валюталарда ҳисоб-китобларни ривожлантириш ва товар айирбошлашни ошириш бўйича ишларни давом эттираётганига ишонтирди.
Евроосиё иқтисодий иттифоқи 2015 йил 1 январдан фаолият юритиб келаётган халқаро иқтисодий бирлашмадир. Иттифоққа Россия, Арманистон, Беларус, Қозоғистон ва Қирғизистон аъзодир. Молдова 2018 йил май ойидан ЕОИИда кузатувчи мақомига эга. Ўзбекистон 2020 йилда ЕОИИда кузатувчи мақомига эга бўлди.
Янгиликлар лентаси
0