МДҲда террорчиликни молиялаштириш хавфини баҳолаш маркази пайдо бўлади

© Sputnik / Виктор ТолочкоФлаги стран СНГ
Флаги стран СНГ - Sputnik Ўзбекистон, 1920, 22.05.2023
Oбуна бўлиш
Минскда МДҲнинг 7та давлати вакиллари ноқонуний даромадларни легаллаштириш ва террорчиликни молиялаш хавфини баҳолаш маркази ташкил қилиш ҳақида келишиб олишди.
ТОШКЕНТ, 22 май – Sputnik. Мустақил Давлатлар Ҳамдўстлиги мамлакатлари экспертлари жиноий даромадларни легаллаштириш хавфини баҳолаш бўйича халқаро марказ тўғрисидаги битим лойиҳасини келишиб олди, деб хабар қилди МДҲ Ижроия қўмитаси матбуот хизмати.
“22 май куни МДҲ штаб-квартирасида Жиноятдан олинган даромадларни легаллаштириш ва терроризмни молиялаштириш хавфини баҳолаш бўйича халқаро марказни ташкил этиш тўғрисидаги Битим лойиҳаси бўйича эксперт гуруҳининг йиғилиши бўлиб ўтди. МДҲ вакиллари давлатлардан келиб тушган мулоҳазалар ва таклифларни кўриб чиқди, экспертлар ҳужжат бўйича келишиб олинди. Келишув лойиҳаси белгиланган тартибда МДҲ Давлат раҳбарлари кенгаши мажлисига киритишга қарор қилинди”, — дейилади хабарда.
Йиғилишда Арманистон, Беларус, Қозоғистон, Қирғизистон, Россия, Тожикистон ва Ўзбекистон вакиллари иштирок этди.
Ҳамдўстлик Ижроия қўмитаси халқаро марказнинг ташкил этилиши молиявий разведка бўлинмалари иши орқали давлатлараро маълумотларнинг самарали ўзаро ҳамкорлигини таъминлашга ёрдам беришини ва тегишли рискларни миллий даражада баҳолашни таъминлашини таъкидлади.
Янгиликлар лентаси
0