ТОШКЕНТ, 20 май — Sputnik. Ўзбекистон, Қирғизистон ва Хитой етакчиларининг рафиқалари Зироатхон Ҳошимова, Айгуль Жапарова, Пен Лиюань биргаликда Сиан шаҳридаги Ису театрига (Шэньси операси) ташриф буюришди, дея хабар берди "Кабар" МАА. Давлат раҳбарлари ҳамроҳлигида 18-19 май кунлари Хитойда бўлган Қирғизистон ва Ўзбекистоннинг биринчи хонимлари учун маданий дастур ташкил этилди.Театр турли хил анъанавий хитой санъатларини, жумладан, опера, анъанавий рақс, қўшиқ ва хитой чолғу мусиқасини бирлаштиради.Мазкур театр Сиан шаҳридаги энг машҳур жойлардан бири ҳисобланади.Ҳурматли меҳмонлар театр музейи экспозицияси билан танишди, қўғирчоқ театрининг қисқача спектаклини, шунингдек, болалар рақс жамоаларининг чиқишларини томоша қилишди. Қолаверса, биринчи хонимлар Циньс операсидан парча ҳам томоша қилишди.
