https://sputniknews.uz/20230503/shavkat-mirziyoev-olaf-sholts-uchrashuv-kelishuvlar-34565057.html

Мирзиёев Шольц билан учрашди: қандай келишувларга эришилди

Мирзиёев Шольц билан учрашди: қандай келишувларга эришилди

Sputnik Ўзбекистон

Германияга ташриф доирасида иқтисодиёт, савдо, молия, таълим, фан ва инновация соҳаларида 16 та ҳукуматлараро ва идоралараро ҳужжатлар имзоланди.

2023-05-03T08:00+0500

2023-05-03T08:00+0500

2023-05-03T13:18+0500

сиёсат

германия

ўзбекистон

шавкат мирзиёев

олаф шолц

https://cdn1.img.sputniknews.uz/img/07e7/05/03/34564735_0:67:1280:787_1920x0_80_0_0_b723ca4f53879b61c5749c89aa5f2159.jpg

ТОШКЕНТ, 3 май — Sputnik. Ўзбекистон ва Германия "Германия - Марказий Осиё" форматида мулоқот майдонини ишга туширишга келишиб олди. Бу ҳақда Ўзбекистон президенти Шавкат Мирзиёевнинг Германия федерал канцлери Олаф Шольц билан музокаралари чоғида маълум қилинди.Кеча Шавкат Мирзиёев рафиқаси билан бирга Германия Федерал президенти Франк-Вальтер Штайнмайернинг таклифига биноан ташриф билан Берлинга келди.Ташриф доирасида ўтган қўшма бизнес-форуми якунида умумий қиймати 9 миллиард долларлик савдо, инвестициявий ва технологик лойиҳаларни амалга ошириш юзасидан келишувларга эришилди."Яшил" энергетика, қазиб чиқариш, кимё, фармацевтика тармоқларида, транспорт инфратизулмасини ривожлантириш, қишлоқ хўжалигини рақамлаштириш, инновация ва бошқа соҳалардаги кооперация лойиҳалари шулар жумласидан.Германия компанияларининг Ўзбекистондаги лойиҳаларини қўллаб-қувватлаш мақсадида “KfW”, “Deutsche Bank” банклари ва Германия халқаро ҳамкорлик жамияти билан кенг кўламли шерикликни ривожлантиришга келишиб олинди."Германия - Марказий Осиё" форматида мулоқот майдонини ишга туширишга аҳдлашиб олинди.Минтақада, шу жумладан Афғонистондаги вазиятни инобатга олган ҳолда хавфсизликни таъминлаш масалалари муҳокама қилинди. Ушбу мамлакат учун гуманитар лойиҳаларни давом эттириш, шу жумладан Термиздаги логистика мажмуаси ва Афғон ёшлари учун таълим маркази имкониятларидан фойдаланиш зарурлиги қайд этилди.Томонлар Марказий Осиёни Европа билан боғлайдиган самарали йўналишни шакллантиришга хизмат қилувчи Транскаспий йўлагини биргаликда ривожлантириш бўйича якдил фикр билдиришди.Германия ҳукумати Ўзбекистон ҳудудларида немис тилини ўқитишни кенгайтиришга техник кўмак кўрсатиши тўғрисида келишиб олинди.Учрашув якунида давлат раҳбари Германия федерал канцлери Олаф Шольцни ташриф билан Ўзбекистонга келишга таклиф этди.Маълумот учун, Германиядан Ўзбекистонга инвестициялар ҳажми 5,5 миллиард долларга етди, шундан 4 миллиард доллар охирги 6 йилда жалб қилинган.

ўзбекистон

2023

Янгиликлар

uz_UZ

германия ўзбекистон шавкат мирзиёев олаф шольц