Республиканинг барча шаҳарларида имтиёзли транспорт картасини олиш имконияти яратилди

© Пресс-служба Министерства транспортаВведен порядок выдачи льготных транспортных карт отдельным категориям граждан
Введен порядок выдачи льготных транспортных карт отдельным категориям граждан - Sputnik Ўзбекистон, 1920, 03.05.2023
Oбуна бўлиш
Шаҳар йўловчилар транспортида айрим тоифадаги фуқароларга бепул юриш ҳуқуқини берувчи имтиёзли карталарни бериш республиканинг барча шаҳарларида амалга оширилмоқда.
ТОШКЕНТ, 3 май — Sputnik. Республиканинг барча шаҳарларида имтиёзли транспорт картасини олиш имконияти яратилди. Транспорт картасини олиш учун ҳудудий транспорт бошқармалари ёки Ягона портал орқали мурожаат қилиш лозим.
Имтиёзли транспорт карталарини нафақат Тошкент ва Самарқанд, балки республиканинг барча шаҳарларида олиш мумкин бўлади.
Шаҳар йўловчилар транспортида 1 майдан эътиборан айрим тоифадаги фуқароларга бепул юриш ҳуқуқини берувчи имтиёзли транспорт карталарини бериш республиканинг барча шаҳарларида амалга оширилмоқда.
Ваколатли орган аризани 2 иш кунида ўрганиб имтиёзли карта бериш ёки унинг берилишини рад этиш ҳақида мурожаат қилувчига маълумот юборади.
Давлат хизматини кўрсатганлик учун йиғим ундирилмайди, имтиёзли карта чекланмаган муддатга берилади.
Қарорга мувофиқ, имтиёзли транспорт карталарини бериш босқичма-босқич:
Тошкент ва Самарқанд шаҳарларида – 2023 йил 1 январдан;
республиканинг барча шаҳарларида – 2023 йил 1 майдан амалга оширилади.
Эски намунадаги гувоҳномалар шу йил 1 сентябргача ўз кучини сақлаб қолади.
Янгиликлар лентаси
0