Ўзбекистонлик ўқувчилар Қозоғистонда ўтаётган Менделеев олимпиадасида иштирок этмоқда

© пресс-служба министерства дошкольного и школьного образования УзбекистанаУчащиеся из Узбекистана принимают участие в 57-й Международной Менделеевской олимпиаде в Астане
Учащиеся из Узбекистана принимают участие в 57-й Международной Менделеевской олимпиаде в Астане - Sputnik Ўзбекистон, 1920, 03.05.2023
Oбуна бўлиш
Бугун ўқувчилар олимпиаданинг иккинчи назарий босқичида иштирок этишади. Унда ўқувчиларга кимё фанининг 5 та бўлимига оид 15 та масала тақдим этилади.
ТОШКЕНТ, 3 май — Sputnik. Ўзбекистонлик ўқувчилар Қозоғистонда бўлиб ўтаётган 57-Халқаро Менделеев олимпиадасида иштирок этишмоқда. Бу ҳақда Мактабгача ва мактаб таълими вазирлиги хабар берди.
Менделеев кимё олимпиадасида 20 дан зиёд давлат вакиллари қатнашади.
Қозоғистоннинг Остона шахрида 57-Халқаро Менделеев олимпиадаси бўлиб ўтмоқда. Унда дунёнинг 21 давлатидан сараланган 113 нафар иқтидорли ўқувчи қатнашмоқда. Олимпиада 3 та босқичдан иборат бўлиб, унда максимал балл 230 баллни ташкил этади.
Олимпиаданинг биринчи - назарий босқичида иштирокчиларга 8 та масала тақдим этилди. Шунингдек, иштирокчилар ҳамда жамоа раҳбарлари Остона шаҳридаги Экспомарказга саёҳат қилишди.
Бугун ўқувчилар олимпиаданинг иккинчи назарий босқичида иштирок этишади. Унда ўқувчиларга кимё фанининг 5 та бўлимига оид 15 та масала тақдим этилади.
Менделеев олимпиадаси иштирокчилари анъанавий равишда ташкилотчиларнинг диплом ва қимматбаҳо совғаларига, совриндорлар ва ғолиблар эса бронза, кумуш ва олтин медалларга эга бўлишади. Олтин медалдан ташқари мутлақ ғолибга Андрей Мельниченко фонди таъсис этган академик В.В. Лунин номидаги мукофот топширилади. 2022 йилда унинг миқдори 2 миллион рублни ташкил этган.
Мазкур олимпиада Ўзбекистонда 3 маротаба ўтказилган бўлиб, ҳозирга қадар Ўзбекистон терма жамоаси томонидан жами 85 та медаль қўлга киритилган (8 та олтин, 24 та кумуш, 53 та бронза).
Янгиликлар лентаси
0