Май ойида Хитойда “Марказий Осиё + Хитой” саммити бўлиб ўтади

© Министерство иностранных дел Республики УзбекистанВстреча министров иностранных дел в формате "Центральная Азия – Китай". Архивное фото
Встреча министров иностранных дел в формате Центральная Азия – Китай. Архивное фото - Sputnik Ўзбекистон, 1920, 28.04.2023
Oбуна бўлиш
Хитойда “Марказий Осиё – Хитой” шаклидаги ташқи ишлар вазирларининг тўртинчи учрашуви бўлиб ўтди. Унда Ўзбекистон, Қозоғистон, Қирғиз Республикаси, Тожикистон, Туркманистон ва Хитой вазирлари иштирок этди.
ТОШКЕНТ, 28 апр — Sputnik. Шу йилнинг май ойида Хитойда давлат раҳбарларининг “Марказий Осиё + Хитой” саммити бўлиб ўтади. Бу ҳақда Ўзбекистон Ташқи ишлар вазирлиги хабар берди.
Сиан шаҳрида “Марказий Осиё – Хитой” шаклидаги ташқи ишлар вазирларининг тўртинчи учрашуви бўлиб ўтди. УндаЎзбекистон, Қозоғистон, Қирғиз Республикаси, Тожикистон, Туркманистон ва Хитой вазирлари иштирок этди.
Тадбир кун тартибидан изчил ривожланиш, ўзаро боғлиқликни мустаҳкамлаш, инновация ва билимлар алмашинуви, мунтазам алоқалар, тинчлик ва барқарорликни таъминлаш масалалари ўрин олди.
Қайд этилишича, ташқи ишлар вазирлари учрашув якунлари бўйича ўз баёнотлари, шунингдек, минтақавий ва халқаро кун тартибининг долзарб масалалари юзасидан ўз позицияларини билдириб ўтди. Хусусан, Хитой Давлат Кенгаши аъзоси ва ташқи ишлар вазири Цин Ган ўз нутқи давомида Хитой Марказий Осиё давлатларининг ҳудудий яхлитлиги, суверенитети ва мустақиллигини тўлиқ қўллаб-қувватлашини таъкидлади.
Шунингдек, у томонлар бир-бирларининг миллий манфаатларини ҳурмат қилишларини ва ташқи кучларнинг ички ишларга аралашишига йўл қўймаслигини таъкидлади.
© Министерство иностранных дел Республики УзбекистанСиане состоялась четвертая встреча министров иностранных дел в формате "Центральная Азия – Китай"
Сиане состоялась четвертая встреча министров иностранных дел в формате Центральная Азия – Китай  - Sputnik Ўзбекистон, 1920, 28.04.2023
Сианга сафар давомида Ўзбекистон ТИВ раҳбари Бахтиёр Саидов жаҳондаги энг йирик электр транспорт воситалари ишлаб чиқарувчи BYD компаниясига ташриф буюрди.
Экологик тоза автомобилларни йиғиш ва ишлаб чиқариш орқали компаниянинг Ўзбекистондаги фаолиятини кенгайтириш кун тартибидаги асосий мавзу бўлди.
Сиан шаҳридаги яна бир манзил қуёш панелларини етказиб беришда етакчи LONGi Solar компанияси бўлди.

“Ҳозирда мамлакатимиз яшил иқтисодиётга ўтмоқда. Мазкур компания асосчиси ва президенти Ли Ченго жанобларини минтақадаги улкан салоҳиятимизни ўрганиш мақсадида Ўзбекистонга таклиф қилдик”, - деб ёзади Бахтиёр Саидов Telegram-каналида.

Янгиликлар лентаси
0