Умурзоқов Санкт-Петербург делегацияси билан учрашди
18:08 26.04.2023 (янгиланди: 18:17 26.04.2023)
© Пресс-служба хокимията Ташкента
Oбуна бўлиш
Тошкент шаҳар ҳокими в.б. Ўзбекистон ва Россия ўртасидаги стратегик шериклик ва кенг кўламли ҳамкорлик ҳудудлар миқёсида ҳам самарали олиб борилаётганлигини таъкидлади.
ТОШКЕНТ, 26 апр — Sputnik. Тошкент шаҳар ҳокими в.б. Шавкат Умурзоқов Санкт-Петербург шаҳри вице губернатори Кирилл Поляков бошчилигидаги делегация билан учрашди. Бу ҳақда пойтахт ҳокимлиги матбуот хизмати хабар берди.
© Пресс-служба хокимията Ташкента
Умурзоқов икки давлат ўртасидаги стратегик шериклик ва кенг кўламли ҳамкорлик ҳудудлар миқёсида ҳам самарали олиб борилаётганлигини таъкидлади.
Умурзоқов Тошкент шаҳрининг Санкт-Петербург билан алоқалари серқирра эканлигига тўхталиб, савдо-сотиқ, саноат, таълим, маданият, туризм, қурилиш, замонавий технологиялар соҳасидаги ҳамкорлик қатори қўшма инвестицион лойиҳаларни амалга ошириш, икки томон тадбиркорлари ўртасида муносабатларни мустаҳкамлаш, ўзаро самарали бўлган иқтисодий йўналишларни ривожлантириш муҳимлигига эътибор қаратди.
Санкт-Петербург Ташқи алоқалар бўйича қўмитаси раиси Евгений Григорьев бу учрашув Тошкентда йирик ва нуфузли халқаро тадбир – “ИННОПРОМ. Марказий Осиё” халқаро кўргазмаси ўтказилаётган кунларда бўлиб ўтаётгани ҳам аҳамиятли эканлигини қайд этди. Ўзбек халқининг иккинчи жаҳон уруши йилларида кўрсатган мардлиги, жасорати, бағрикенглиги учун питерликлар Ўзбекистонни алоҳида қадрлашини билдирди.
У турли соҳаларда ўзаро алоқаларни кенгайтириш ва тараққий эттиришда Тошкент шаҳри делегациясининг Санкт-Петербургга ташрифи аҳамиятли бўлишини таъкидлаб, ҳокимлик делегациясини Петербургга таклиф этди.
Санкт-Петербург шаҳри вице губернатори Кирилл Поляков йўл-транспорт соҳасида амалга оширилган ишлар, хусусан, аҳолини сифатли транспорт хизмати билан таъминлаш, тирбандликларнинг олдини олиш, соҳага инновацион технологияларни жорий этиш самаралари ҳақида маълумот берди.
© Пресс-служба хокимията Ташкента
Учрашувда қурилиш ва коммунал хўжаликда қўлланилаётган янги техника ва технологиялар борасида ҳам фикр алмашилди.
Томонлар амалий мулоқотлар давом этишини билдиришди.
© Пресс-служба хокимията Ташкента
