https://sputniknews.uz/20230425/muhammad-yusuf--biografiya--34247923.html

Муҳаммад Юсуф ҳаёти ва ижоди

Муҳаммад Юсуф ҳаёти ва ижоди

Sputnik Ўзбекистон

Ўзбекистон халқ шоири Муҳаммад Юсуф таржимаи ҳоли, ҳаёт йўли ва ижодий меъроси ҳақида батафсил Sputnik материалида танишинг.

2023-04-25T18:30+0500

2023-04-25T18:30+0500

2023-04-26T14:09+0500

биография

муҳаммад юсуф

шоир

адабиёт

тил ва адабиёт

ўзбек адабиёти

https://cdn1.img.sputniknews.uz/img/07e7/04/19/34250259_0:34:1024:610_1920x0_80_0_0_1b431e59c6b08bfd03b645be964ff6c6.jpg

Муҳаммад Юсуф — таржимаи ҳолиМуҳаммад Юсуф 1954 йили 26 апрель куни Андижоннинг Марҳамат туманидаги Қовунчи қишлоғида оддий меҳнаткаш оилада таваллуд топган. Муҳаммад Юсуф болалигидан адабиётга қизиққан. 1978 йилда Рус тили ва адабиёти институти (ҳозирги Ўзбекистон давлат жаҳон тиллари университети)ни тамомлаган.***Нечун қуллуқ қилмай Андижонга мен – Шу юртда туғилдим, шу юртда ўсдим. Агар дўстим бўлса битта у дўстим – Нечун қуллуқ қилмай Андижонга мен!.. Ёдимга ўт тушсин, этмасам ёдлар – Дукчи эшонлари қилгай фарѐдлар. Уни тавоф этган Машрабдек зотлар, Нечун қуллуқ қилмай Андижонга мен.Муҳаммад Юсуфнинг ижодий фаолияти1976 — бўлажак шоирнинг талабалик йилларида ёзилган шеълари илк бор “Ўзбекистон адабиёти ва санъати” ҳафталигида босилган.1978– 1980 — республика “китобсеварлар” жамиятида ишлаган.1980– 1986 — пойтахтнинг “Тошкент оқшоми” газетасида ишлат тажриба орттирган.1986–1992 — Ғафур Ғулом номидаги Адабиѐт ва санъат нашриётида хизмат қилади. 1992–1995 — “Ўзбекистон овози” газетасида, Ўзбекистон миллий ахборот агентлиги (ЎзА)да хизмат қилди.1997 – Ўзбекистон ёзувчилар уюшмаси раисининг ўринбосариМуҳаммад Юсуф шеърий тўпламлариМуҳаммад Юсуфнинг шеърлари матбуотда тез-тез чоп этилиб турган бўлса-да, шоирнинг биринчи шеърий тўплами 1985 йилда чоп этилган.1985 — “Таниш тераклар” шеърий тўплами. Ушбу тўпламда турли мавзудаги шеърлар, асосан шоирнинг болалигида эшитган ҳикоя ва эртаклари, ўсмирлик йиллари, она қишлоғи мавзулари ёритилган. ***Кечагина қишлоқдаги қизлар бари Менга сирли қошлар қоқиб қарашарди. Қарашмаса, уйларига тунда келиб Тошлар отиб қочар эдим — ярашларди.1987 - “Булбулга бир гапим бор” шеърий тўплами.***Кўнглим сезар энди буёғи аён. Дўстларим, дўстларим, бахтли боламан! Ё Тошкентда энг зўр шоир бўламан, Ё қишлоққа қайтиб ариқ бўйида Ялпизга суяниб, ўлиб қоламанМуҳаммад Юсуф “Осмоннинг охири”, “Қора қуёш” сингари достонлар яратди.Мустақиллик йилларида яратган шеърлариШоирнинг “Ватаним”, “Халқ бўл, элим”, “Дунѐ”, “Иншооллоҳ”, “Ўзбекмомо”, “Иқрор”, “Тилак” сингари ўнлаб шеърлари чоп этилди.1996 йил шоир Ўзбекистон Ёзувчилар уюшмаси аъзоси бўлади. Аввалига адабий маслаҳатчи, 1997 йилдан то умрининг охиригача уюшма раиси ўринбосари лавозимида ишлайди.Муҳаммад Юсуф вафотиМуҳаммад Юсуф 2001 йил 31 июль куни Қорақалпоғистоннинг Элликқалъа туманига қилинган ижодий сафар чоғида, юзлаб мухлислари биан учрашув пайтида юрак хуружидан вафот этди. Муҳаммад Юсуф Андижон вилоятида дафн этилган.Шоирнинг шеърлари унинг вафотидан кейин ҳам чоп этилган. “Улуғимсан, Ватаним” (2004), “Сайланма” (2007), “Халқ бўл, элим” (2009) шеърий китоблари нашр этилган.***Ол, дея бир кун Эгам, Осмонга учса руҳларим. Бир ажиб мовий диёр, Бўйини қучса руҳларим. Кўк менинг кўксим бўлур Юлдузлари андуҳларим. Гул ўпиб, гул ёпиниб, Ҳар дилда мозорим қолур, Мен кетарман бир куни, Наволарим зорим қолур...Муҳаммад Юсуф оиласиМуҳаммад Юсуф шоира Назира ас-Салом билан 1983 йилда турмуш қуришган. Маъсуда, Нозимахон ва Мадина исмли 3 фарзанд кўришган.Бу йил 26 апрель – шоирнинг таваллудига 69 йил тўлади.Мукофотлари1989 йилда "Уйқудаги қиз" номли шеърий тўплами учун у республика Ёшлар ташкилотининг мукофотига сазовор бўлган.1998 йилда “Ўзбекистон халқ шоири” унвони берилди.ВатанимМен дунёни нима қилдим, Ўзинг ёруғ жаҳоним, Ўзим хоқон, Ўзим султон, Сен тахти Сулаймоним, Ёлғизим, Ягонам дейми, Топинган кошонам дейми, Ўзинг менинг улуғлардан Улуғимсан, Ватаним…***

2023

Янгиликлар

uz_UZ

ўзбекистон халқ шоири муҳаммад юсуф биография таржимаи ҳоли шоир шеър адабиёт биография