“Ўзкомназорат” телефонни қувватлашда бепул станциялардан фойдаланиш хавфидан огоҳлантирди
© Sputnik / Евгения Новоженина
/ Oбуна бўлиш
Қайд этилишича, баъзи ҳолларда жиноятчилар заряд станцияларига уланган кабелларни атайлаб ташлаб кетишади.
ТОШКЕНТ, 19 апр — Sputnik. “Ўзкомназорат” инспекцияси мобиль телефонларни қувватлантириш учун бепул қувватлаш станцияларидан фойдаланмасликка чақирди.
“Саёҳат қилишни режалаштиряпсизми? Шубҳасиз, сизда мобиль телефон ёки бошқа кўчма қурилма бор ва бир нуқтада уни қайта қувватлашингиз керак бўлади. Батареянгиз ўчиб қолган бўлса, шуни ёдда тутингки, электрон қурилмангизни аэропортлар ва меҳмонхоналар қабулхонасидаги бепул USB порт билан қувватлаш станцияларида қайта қувватлаш тескари натижа бериши мумкин”, - дейилади инспекция хабарида.
Киберхавфсизлик бўйича экспертлар огоҳлантиришича, тажовузкорлар қувват олаётган пайтда электрон қурилмаларга зарарли дастурларни оммавий USB зарядлаш станцияларига юклашлари мумкин. Бузилган USB порт орқали ўрнатилган зарарли дастур қурилмани қулфлаши ёки шахсий маълумотлар ва паролларни бевосита тажовузкорга экспорт қилиши мумкин. Жиноятчилар кейинчалик бу маълумотлардан онлайн ҳисобларга кириш учун фойдаланишлари ёки уни бошқа ҳужумчиларга сотишлари мумкин.
Қайд этилишича, баъзи ҳолларда жиноятчилар қувватлаш станцияларига уланган кабелларни атайлаб ташлаб кетишади. Ҳатто инфекцияланган кабеллар реклама совғаси сифатида берилгани ҳақида хабарлар бор.
Шунингдек, мутахассислар қурбон бўлмасликка ёрдам берадиган баъзи маслаҳатларни келтириб ўтган:
оммавий USB қувватлаш станциясидан фойдаланманг. Бунинг ўрнига AC розеткасидан фойдаланинг;
саёҳатда автомобиль қувватловчи қурилмалари ва USB кабелларингизни олинг;
ўзингиз билан портатив қувватловчи ёки ташқи батареяни олиб юринг;
ишончли етказиб берувчидан қувват олаётганда маълумотларни жўнатиш ёки қабул қилишдан сақлайдиган фақат қувватловчи кабелдан фойдаланишни ўйлаб кўринг;
агар сиз қурилмангизни USB портига уласангиз ва сизга “Маълумотларни алмашиш” ёки “Фақат қувватлаш”ни танлаш таклиф қилинса, ҳар доим “Фақат қувватлаш”ни танланг.
