Ҳайдовчилар учун янги қулайликлар яратилади

© SputnikАвтомобильная инфраструктура
Автомобильная инфраструктура - Sputnik Ўзбекистон, 1920, 19.04.2023
Oбуна бўлиш
Энди енгил автотранспортларга эстакадада 5 дақиқагача ҳамда автобус ва микроавтобус автотранспорт воситаларига 10 дақиқагача тўхтаб туришга рухсат берилади.
ТОШКЕНТ, 19 апр — Sputnik. Энди автотранспортларга эстакадада 10 дақиқагача тўхтаб туришга рухсат берилади. Бу ҳақда ҳукумат томонидан қабул қилинган 159-сонли қарорда назарда тутилган.
Ҳужжат билан аэровокзал, темир йўл ва автобус вокзалларида хизмат кўрсатиш сифатини яхшилашга қаратилган қатор низомлар тасдиқланди.
Унга кўра, аэровокзал мажмуалари биноларига кириш жойларига яқин келиб тўхташ учун фақат йўналишсиз ва йўналишли таксиларга рухсат этилади.
Шахсий автомобиллар ва жамоат транспорти йўловчиларни ва ташриф буюрувчиларни олиб кетиш ва олиб келиш учун мўлжалланган автомобиль тураргоҳи ва тўхташ жойларига йўналтирилади.
Шунингдек, эстакададан фойдаланиш учун йўловчи ташиш автотранспортларига рухсат берилади.
Бунда енгил автотранспортларга эстакадада 5 дақиқагача ҳамда автобус ва микроавтобус автотранспорт воситаларига 10 дақиқагача тўхтаб туришга рухсат берилади.
Барча турдаги автотранспорт воситалари аэровокзаллар мажмуалари чегарасидан 30 метрдан кам бўлмаган масофада жойлаштирилади.
Темир йўл вокзалларида кўздан кечиришдан ўтиш вақти йўловчиларнинг поездга чиқишга кечикиши учун шарт-шароитлар яратмаслиги зарур. Бунда кўздан кечириш вақтини қисқартириш мақсадида кўздан кечириш тартиб-қоидасини соддалаштиришга йўл қўйилмайди.
Янгиликлар лентаси
0