Тиббиёт ходими фаолиятига тўсқинлик қилганлик учун маъмурий жавобгарлик белгиланди

© Sputnik / Медиабанкка ўтишНаручники
Наручники - Sputnik Ўзбекистон, 1920, 28.03.2023
Oбуна бўлиш
Маъмурий жавобгарлик тўғрисидаги кодексга тегишли қўшимча киритилди.
ТОШКЕНТ, 28 мар — Sputnik. Ўзбекистонда тиббиёт ходими фаолиятига тўсқинлик қилганлик учун маъмурий жавобгарлик белгиланди. Президент 27 март куни имзолаган қонун билан Маъмурий жавобгарлик тўғрисидаги кодексга тегишли қўшимча киритилди.
Унга кўра, мазкур кодекс қуйидаги мазмундаги норма билан тўлдирилди:
Тиббиёт ходимининг қонуний тиббий фаолиятига тўсқинлик қилиш ёки шу мақсадда тиббиёт ходимига қонунга хилоф равишда ҳар қандай шаклда таъсир ўтказиш:
фуқароларга БҲМнинг 5 бараваридан 7 бараваригача (1,5 млн сўмдан 2,1 млн сўмгача), мансабдор шахсларга эса 7 бараваридан 10 бараваригача (2,1 млн сўмдан 3 млн сўмгача) миқдорда жарима солишга ёки 15 суткагача муддатга маъмурий қамоққа олишга сабаб бўлади.
Бу қонун расмий эълон қилинган кундан эътиборан кучга киради.
Янгиликлар лентаси
0