Ўзбекистон ва Эрон транспорт соҳасида ҳамкорликни ривожлантиришга келишиб олди

© Транспорт вазирлиги Ўзбекистон ва Эрон транспортнинг барча йўналишларидаги ҳамкорликни ривожлантиришга келишиб олди
Ўзбекистон ва Эрон транспортнинг барча йўналишларидаги ҳамкорликни ривожлантиришга келишиб олди - Sputnik Ўзбекистон, 1920, 15.03.2023
Oбуна бўлиш
Ўзбекистон ва Эрон ўртасида транспортнинг барча йўналишларидаги ҳамкорликни ривожлантириш режаси ва Ашхобод келишувини амалга оширишга келишиб олди.
ТОШКЕНТ, 15 мар — Sputnik. Ўзбекистон ва Эрон ўртасида транспортнинг барча йўналишларидаги ҳамкорлик ривожлантирилади. Бу ҳақда Транспорт вазирлиги маълум қилди.
Ўзбекистон делагациясининг Эронга амалга оширган ташрифи доирасида Транспорт вазири Илҳом Маҳкамов Эроннинг Йўл ва шаҳарсозлик вазири Меҳрдод Базрпош билан учрашди. Унда Ўзбекистон ва Эрон ўртасида транспорт ва логистика соҳасидаги ҳамкорликни ривожлантириш масалалари муҳокама этилди.
Эроннинг Йўл ва шаҳарсозлик вазири Меҳрдод Базрпош Ўзбекистон билан аралаш ташувлар соҳаси ва транзит алоқаларини ривожлантириш йўналишида ҳамкорлик қилишга тайёрлигини маълум қилди.

“Томонлар Ўзбекистон ва Эрон ўртасида транспортнинг барча йўналишларидаги ҳамкорликни ривожлантириш режаси ва Ашхобод келишувини амалга оширишга келишиб олди”, - дейилади хабарда.

Учрашувда кўриб чиқилган масалалар:
Эронннинг жанубий ва шимолий портлари имкониятларидан самарали фойдаланиш;
“Шимол-Жануб” транспорт йўлаги бўйлаб ташувларни фаоллаштириш, амалдаги тарифларни пасайтириш;
икки мамлакат ҳайдовчилари учун қўшимча қулайликлар яратиш орқали автомобил ва темир йўл транспортида ташувларни енгиллаштириш.
Эслатиб ўтамиз, аввалроқ Эрон пойтахти Теҳронда Ўзбекистон Ташқи ишлар вазирлиги, Инвестициялар, саноат ва савдо вазирлиги, Транспорт вазирлиги ҳамда Савдо-саноат палатаси ташкил этган бизнес-форум бўлиб ўтган эди. Унда Эроннинг 20 та компанияси раҳбарлари билан қўшма сармоявий лойиҳаларни амалга ошириш масалалари муҳокама қилинди.
Янгиликлар лентаси
0