АҚШ жаҳон уруши бошланиши ҳақида қандай сигналлар бериши айтилди

© AFP / SAUL LOEBЭмблема Пентагона
Эмблема Пентагона  - Sputnik Ўзбекистон, 1920, 13.03.2023
Oбуна бўлиш
"Global Times": АҚШ мудофаа бюджетини ошириш жаҳон уруши яқинлашаётганидан дарак беради.
ТОШКЕНТ, 13 мар — Sputnik. Глобал уруш хавфини баҳолаш учун АҚШнинг мудофаа харажатларига эътибор қаратиш кифоя, деб ёзади "Global Times". Бу ҳақда РИА Новости хабар берди.

"Дунёда уруш хавфи қанчалик катта? Жавоб жуда оддий. Деярли тўғри хулоса чиқариш учун АҚШ ҳозирда қурол-яроққа қанча маблағ сарфлаётганига эътибор қаратиш кифоя. АҚШнинг юқори мудофаа харажатлари глобал уруш хавфининг юқорилигидан далолат беради", - деб ёзади "Global Times".

Муаллиф, шунингдек, Хитой мудофаа сиёсатига амал қилаётгани, Вашингтон эса агрессив ҳаракат қилаётганига эътибор қаратган. Унинг қўшимча қилишича, 2023 йилда Байден томонидан тасдиқланган АҚШ мудофаа бюджети Пекин мудофаа бюджетидан тўрт баравар кўпдир.
Бундан ташқари, АҚШ бюджетининг катта қисми янги ҳужум қуроллари ва ҳарбий технологияларни ишлаб чиқишга йўналтирилади. АҚШ ҳарбий-саноат мажмуаси Америка сиёсатида асосий ўринлардан бирини эгаллайди, шунинг учун ҳам ҳукумат бюджетни ўз фуқароларининг эҳтиёжлари учун эмас, балки мудофаа секторига сарфлашни афзал кўради. Қолаверса, ҳарбий-саноат комплекси йирик бизнес томонидан "Америка империясининг пул сигирлари" сифатида ишлатилади.
Хулоса қилиб айтганда, журналист Уолл-стрит ва Оқ уйдаги "катта хўжайинлар" глобал можароларни пул топиш йўли деб билишини ва бу можароларни кучайтириш бутун дунёга салбий таъсир кўрсатишини таъкидлади.
Нашрнинг хабар беришича, АҚШ 2023 йилда мудофаа учун 842 миллиард доллар ажратишни режалаштирмоқда.
Эслатиб ўтамиз, аввалроқ АҚШнинг собиқ президенти Дональд Трамп дунё глобал можарога ҳар қачонгидан ҳам яқинроқлиги ва бунга АҚШнинг амалдаги етакчиси Жо Байден бошчилигидаги “коррупцион Вашингтон истеблишменти” айбдор эканини айтганди.
Янгиликлар лентаси
0