Ўзбекистон ва Тожикистон биринчи ректорлар форуми ўтказишга ҳозирлик кўрмоқда

© ИА ДунёОбсуждены вопросы организации первого форума ректоров Узбекистана и Таджикистана
Обсуждены вопросы организации первого форума ректоров Узбекистана и Таджикистана - Sputnik Ўзбекистон, 1920, 10.03.2023
Oбуна бўлиш
Тожикистон ва Ўзбекистон олий ўқув юртлари ректорлари ўзаро тажриба алмашишади.
ТОШКЕНТ, 10 мар — Sputnik. Ўзбекистон ва Тожикистон Душанбе шаҳрида икки давлат ректорларининг биринчи форумини ўтказишга ҳозирлик кўрмоқда. Бу ҳақда “Дунё” АА хабар берди.
Душанбе шаҳрида 13-15-март кунлари Тожикистон ва Ўзбекистон олий таълим муассасалари ректорларининг биринчи форуми бўлиб ўтади.
Бўлажак форум тафсилотлари Ўзбекистон Олий таълим, фан ва инновациялар вазири Иброҳим Абдураҳмонов ва Тожикистоннинг Тошкентдаги элчиси Абдужаббор Раҳмонзода ўртасида муҳокама қилинди.
Қайд этилишича, форум иштирокчилари ўқув жараёнини самарали ташкил этиш, янги таълим технологияларини жорий этиш бўйича тажриба алмашиши кутилмоқда.
Шунингдек, икки давлат талабалари ўртасида илмий олимпиадалар ўтказиш, академик алмашинувлар сонини кўпайтириш бўйича келишувга эришиш режалаштирилган.
Учрашувда икки давлат ўртасида олий таълим соҳасидаги ҳамкорликни янада ривожлантириш масалалари ҳам кўриб чиқилди.
Маълумот учун, айни пайтда Ўзбекистоннинг профессор-ўқитувчиларини тайёрлайдиган 5 та олий таълим муассасасида тожик тилида ўқитиш йўлга қўйилган. Шунингдек, Самарқанд давлат университетида тожик тили ва адабиёти, Термиз давлат университетида тожик филологияси ва шарқ тиллари кафедралари мавжуд.
Янгиликлар лентаси
0