Саидов Мўғулистон ташқи ишлар вазири билан учрашди

© Ўзбекистон ташқи ишлар вазирлиги матбуот хизматиЎзбекистон ва Мўғулистон ҳамкорликни фаоллаштиришга тайёр
Ўзбекистон ва Мўғулистон ҳамкорликни фаоллаштиришга тайёр - Sputnik Ўзбекистон, 1920, 09.03.2023
Oбуна бўлиш
Томонлар икки давлат президентларининг ўтган йил сентябрь ойида бўлиб ўтган учрашуви якунлари бўйича эришилган келишувларнинг ижроси юзасидан фикр алмашдилар.
ТОШКЕНТ, 9 мар - Sputnik. Кеча, 8 март куни, Ўзбекистон ташқи ишлар вазири вазифасини бажарувчи Бахтиёр Саидов Мўғулистон ташқи ишлар вазири Батмунх Бацетсег билан учрашди. Бу ҳақда Ўзбекистон ташқи ишлар вазирлиги матбуот хизмати хабар берди.
Томонлар икки давлат президентларининг 2022 йил сентябрь ойида бўлиб ўтган учрашуви якунлари бўйича эришилган келишувларнинг ижроси юзасидан фикр алмашдилар.
Ўзаро ҳамкорликнинг шартномавий-ҳуқуқий асосларини кенгайтириш, ТИВлараро маслаҳатлашувларнинг навбатдаги даврасини ўтказиш, савдо айланмасини диверсификация қилиш ва қўшма ҳамкорлик лойиҳаларини амалга ошириш бўйича таклифлар муҳокама қилинди.
Қишлоқ хўжалиги соҳасида ҳамкорлик бўйича Ўзбекистон-Мўғулистон ишчи гуруҳи ва Ишбилармонлар кенгашини ташкил этиш масалаларини ўрганиш бўйича келишувга эришилди.
Эслатиб ўтамиз, Ўзбекистон президенти Шавкат Мирзиёев Самарқандда ўтказилган Шанхай ҳамкорлик ташкилоти Давлат раҳбарлари кенгашининг 22-мажлиси доирасида Мўғулистон раҳбари Ухнаагийн Хурэлсух билан учрашган эди.
Янгиликлар лентаси
0