Ўзбекистон Эроннинг ШҲТга аъзо бўлиш мажбуриятлари тўғрисидаги меморандумни тасдиқлади

© SputnikСамарканд, украшенный флагами и символикой саммита ШОС-2022
Самарканд, украшенный флагами и символикой саммита ШОС-2022 - Sputnik Ўзбекистон, 1920, 09.03.2023
Oбуна бўлиш
Шавкат Мирзиёев ШҲТ аъзо давлат мақомини олиш учун Эроннинг мажбуриятлари тўғрисидаги меморандумни тасдиқлаш тўғрисидаги қарорга имзо чекди.
ТОШКЕНТ, 9 мар — Sputnik. Ўзбекистон Эроннинг Шанхай ҳамкорлик ташкилотига (ШҲТ) аъзо бўлиш мажбуриятлари тўғрисидаги меморандумни тасдиқлади. Президент Шавкат Мирзиёев 7 март куни тегишли қарорни имзолади.
Ҳужжат билан Самарқанд шаҳрида имзоланган ШҲТга аъзо давлат мақомини олиш учун Эрон Ислом Республикасининг мажбуриятлари тўғрисидаги меморандум тасдиқланган.
Ташқи ишлар вазирлиги мазкур меморандумнинг кучга кириши учун зарур бўлган давлат ички тартиб-таомиллари бажарилганлиги тўғрисида ШҲТ котибиятига тегишли билдиришнома юборади.
Маълумот учун, ўтган йилнинг 15 сентябрь куни Самарқанд шаҳрида Эрон томони ШҲТга аъзо давлат мақомини олиш учун ўз мажбуриятлари бўйича меморандум имзолади. Миллий парламент 27 ноябрда Эронни ташкилотга аъзо бўлиши ҳақидаги қонун лойиҳасини қабул қилди.
Мажбурият меморандуми тўғрисидаги қонун лойиҳаси 2023 йил 25 январда қабул қилинган. ШҲТ тартибларига мувофиқ, меморандум ташкилотга аъзо давлатлар томонидан ҳам тасдиқланиши керак.
Янгиликлар лентаси
0