Олий Мажлис Сенатининг ўттиз еттинчи ялпи мажлиси 2 март куни чақирилади — кун тартиби
© Пресс-служба Сената Узбекистана
Oбуна бўлиш
Ялпи мажлис кун тартибига 10 га яқин қонун ва масалалар муҳокама этиш учун киритилган.
ТОШКЕНТ, 1 мар — Sputnik. Олий Мажлис Сенатининг ўттиз еттинчи ялпи мажлиси 2 март куни чақирилади. Бу ҳақда юқори палата ахборот хизмати хабар берди.
Хабарда қайд этилишича, ялпи мажлис кун тартибига 10 га яқин қонун ва масалалар муҳокама этиш учун киритилган.
Кун тартибидаги қонунлар:
“Рақобат тўғрисида”ги;
“Тиббиёт ходимининг қонуний тиббий фаолиятига тўсқинлик қилганлик учун жавобгарлик белгиланиши муносабати билан Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида”ги;
“Педагог ходимларнинг хизмат вазифаларини бажаришига тўсқинлик қилганлик учун жавобгарлик кучайтирилиши муносабати билан Ўзбекистон Республикасининг Жиноят кодексига ҳамда Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартишлар киритиш ҳақида”ги;
“Давлат божи тўғрисида”ги Ўзбекистон Республикаси Қонунига қўшимча киритиш ҳақида”ги;
“Ўзбекистон Республикасининг Жиноят ҳамда Жиноят-ижроия кодексларига ўзгартиш ва қўшимчалар киритиш тўғрисида”ги;
“Молиявий истеъмол кредити бериш тизими такомиллаштирилиши муносабати билан “Истеъмол кредити тўғрисида”ги Ўзбекистон Республикаси Қонунининг 15-моддасига ўзгартиш киритиш ҳақида”ги;
“Давлат органлари билан муносабатларда фуқаролар ва тадбиркорлик субектлари ҳуқуқларининг самарали ҳимоя қилинишини таъминлаш бўйича қўшимча чоралар кўрилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги;
“Ўзбекистон Республикасининг айрим қонун ҳужжатларига қўшимча ва ўзгартишлар киритиш тўғрисида”ги.
Шу билан бирга, сенаторлар Олий Мажлис Сенатининг 2022 йилдаги фаолияти ва 2023 йилга мўлжалланган вазифалари борасидаги масалани кўриб чиқади.
Қолаверса, Инсон ҳуқуқлари бўйича миллий маркази директорининг ахбороти эшитилади.
