АҚШ Украинада кимёвий моддалар билан провокация тайёрламоқда — Россия Мудофаа вазирлиги
13:49 28.02.2023 (янгиланди: 18:44 05.04.2023)
© Sputnik / Алексей Куденко
Oбуна бўлиш
Россия Мудофаа вазирлиги: АҚШ Украинада заҳарли кимёвий моддалар билан провокация қилиш ниятида.
АҚШ Украинада заҳарли моддалар ёрдамида провокация уюштириш ниятида ва бунда Россияни айбламоқда. Бу ҳақда Россия Қуролли кучларининг радиация, кимёвий ва биологик ҳимоя бўйича қўшинлари бошлиғи Игорь Кириллов брифингда маълум қилди, дея хабар берди РИА Новости.
"Бир вақтнинг ўзида заҳарли кимёвий моддалар ва улардан ҳимоя воситаларини етказиб бериш фактлари можаро вақтида Би-Зет ҳарбий психотроп заҳарли моддаси ёрдамида кенг кўламли провокацияларни амалга оширишга уринишдан далолат беради", — деди Кириллов.
Унинг сўзларига кўра, Мудофаа вазирлигига 10 февраль куни Украинага (Краматорск) поезд келгани, унинг вагонларидан бирида бир гуруҳ хорижий фуқаролар ҳамроҳлигида кимёвий моддалар юки бўлгани ҳақида маълумот келиб тушган.
“Вагон (кимёвий моддалар ортилган – таҳр.) ажратиб олинган ва Куйбишев номидаги Краматорск металлургия заводи ҳудудига олиб кетилган, у ерда кимёвий моддаларни тушириш Украина хавфсизлик хизмати ва Қуролли кучлари қўмондонлиги вакиллари назорати остида амалга оширилган", — дейди у.
Юк 16 та муҳрланган металл қутидан иборат бўлиб, уларнинг саккизтасида кимёвий хавфлилик белгиси, "Би-Зет" ёзуви ва вақтинчалик заҳарли моддалар синфига тўғри келадиган икки қизил чизиқ билан белги қўйилган.
Бешта қутига "Си-Эс – Райот" деб ёзилган, учтасига эса "Си-Ар-Райот" ёзуви қайд этилиб, танани қичима уйғотувчи моддаларни билдирадиган битта қизил чизиқ билан белгиланган.
Кимёвий моддалар АҚШ зирҳли машиналарига ортилган ва тўқнашув линиясига жўнатилган.
Бундан ташқари, 19 февраль куни Краматорскда махсус белгилар билан шрапнель ўқлари бўлган 11 вагон туширилган. Снарядлар тунда шаҳар четидаги платформага туширилган, вагонларда эса "Қурилиш материаллари", "Цемент" ёзувлари бўлган.
NATO, шунингдек, Украинага катта миқдордаги ҳимоя воситаларини етказиб беришни режалаштирган, деди Кириллов.
"Зарин ва Зоман каби фосфорорганик заҳарли моддаларга қарши антидотлар — 600 минг ампула, крампларга қарши воситалар — уч миллион таблетка, хантал газини зарарсизлантириш учун препаратлар, хлоратсетофенон ингибиторларининг люизит ва гидроксид кислотаси ҳосилалари — 750 минг флаконларга устувор аҳамият берилмоқда" — дея аниқлик киритди у.
Унинг сўзларига кўра, АҚШ ҳарбий ҳаракатлар шароитида халқаро ҳамжамият уларнинг кимёвий провокацияси бўйича самарали терговни ташкил эта олмайди, дея ҳисобламоқда. АҚШнинг режасига кўра, бу ҳолатда ҳақиқий ташкилотчилар ва ижрочилар жавобгарликдан қутулиб, айб Россия зиммасига юкланади.
Унинг эслатишича, Кимёвий қуроллар тўғрисидаги конвенцияга мувофиқ, Би-Зет моддаси бошқариладиган кимёвий моддадир ва иккинчи рўйхатга киритилган, ундан фойдаланиш ҳужжатнинг 1-моддаси билан тақиқланган.
Ушбу модда ўткир психоз, дисориентация, галлюцинациялар ва хотира бузилишига олиб келади.
"АҚШ 1990 йилда Би-Зет заҳираларини бутунлай йўқ қилишини билдирди, ўшанда ушбу модданинг 50 тоннага яқини утилизация қилинган, аммо намуналар қолган. Бундан ташқари, ҳозирда фармацевтика ишлаб чиқариш қувватлари негизида йилига бир неча ўн тоннагача миқдорда Би-Зет прекурсорларини синтез қилиш имконияти сақланиб қолган", — деди Кириллов.
Прекурсорлар — мақсадли маҳсулотни синтез қилишда ишлатиладиган кимёвий моддалар.
Генералнинг сўзларига кўра, Би-Зет АҚШ армиясининг стандарт заҳарли гази бўлиб, Қўшма Штатлар уни Вьетнам уруши даврида кенг қўллаган. Бундан ташқари, Вашингтон ва унинг иттифоқчилари Афғонистон, Ироқ ҳамда Суриядаги ҳарбий тўқнашувларда кимёвий бирикмалар билан тўлдирилган ўқ-дорилардан бир неча бор фойдаланган.
"Огоҳлантирамизки, заҳарли кимёвий моддалар қўлланилган провокациялар содир бўлса, ҳақиқий айбдорлар аниқланиб, биз тарафимиздан жазоланади", — дейди у.
Игор Кириллов Ғарбнинг ҳарбий ҳаракатлар туфайли бундай провокация АҚШ ва унинг иттифоқчилари учун муваффақиятли бўлиши мумкинлиги ҳақидаги нотўғри ишонч мавжудлиги ҳақида ҳам гапирди.
Унинг таъкидлашича, махсус ҳарбий операция ўтказилаётган ҳудудда жойлаштирилган радиациявий, кимёвий, биологик вазиятни кузатиш бўйича Россиянинг стационар ва мобиль тизимлари кимёвий таҳдидларни ўз вақтида аниқлаш ҳамда уларга тезкорлик билан жавоб бериш имконини беради. Бундан ташқари, Россия Мудофаа вазирлигида мавжуд бўлган кимёвий лабораторияларнинг таҳлилий имкониятлари нафақат кимёвий моддалар турини, балки ишлаб чиқарилган мамлакатни ҳам ишончли аниқлашда қўл келади.
"Масалан, учувчисиз учиш аппаратлари ёрдамида рус қўшинларига қарши қўлбола ўқ-дориларни қўллаш ҳақида маълумотлар кенг тарқалган. Тадқиқотлар шуни кўрсатдики, булар ёнувчан оксидловчи ва қўшимчаларни ўз ичига олган термал ўқ-дорилар бўлиб, уларнинг бир қисми Чехияда ишлаб чиқарилган", — дейди Кириллов.
Генералнинг қўшимча қилишича, Мудофаа вазирлиги Ғарбнинг Кимёвий қуроллар бўйича конвенцияни бузган жиноий фаолиятини фош қилишда давом этади.
Шу билан бирга, у Ғарб давлатлари Россиянинг оммавий қирғин қуролларини қўллаш имкониятини мунтазам эълон қилишига эътибор қаратди, бироқ АҚШнинг ўзи бундай лойиҳаларни бир неча бор амалга оширган.
Кириллов АҚШ собиқ Давлат котиби Колин Пауэллнинг қўлидаги "кир ювиш кукуни" солинган пробирка Ироққа бостириб кириш ва бу мамлакатнинг ярим миллиондан ортиқ фуқароларининг ўлими учун қандай баҳона бўлганини эслади.
Унинг эслатишича, ҳозиргача ҳеч ким ўзи номлаган жиноятлар учун жавобгарликка тортилмаган.
Эслатиб ўтамиз, аввалроқ Россия Қуролли кучларини айблаш мақсадида провокация учун Европадан Украинага радиоактив моддалар бўлган контейнерлар етказилгани ҳақида хабар берилганди.
