Хитой билан ҳамкорликда қуёш электр станциялари қурилади

© Министерство энергетики Республики УзбекистанПодписан меморандум с китайской компанией по строительству солнечных фотоэлектрических станций общей мощностью 2000 МВт в Узбекистане.
Подписан меморандум с китайской компанией по строительству солнечных фотоэлектрических станций общей мощностью 2000 МВт в Узбекистане. - Sputnik Ўзбекистон, 1920, 16.02.2023
Oбуна бўлиш
Мазкур меморандум доирасида Хитой компанияси томонидан Ўзбекистонга 2 млрд доллар миқдорида тўғридан-тўғри инвестициялар киритилади.
ТОШКЕНТ, 16 фев — Sputnik. Хитой компанияси билан Ўзбекистонда умумий қуввати 2000 МВт бўлган қуёш фотоэлектр станцияларини қуриш бўйича англашув меморандуми имзоланди. Бу ҳақда энергетика вазирлиги матбуот хизмати хабар берди.
Таъкидланишича, Ўзбекистон энергетика вазири бошчилигидаги делегация аъзоларининг Хитойга амалий ташрифи доирасида англашув меморандуми имзоланган.
“15 февраль куни Қашқадарё, Бухоро ва Самарқанд вилоятларида умумий қуввати 2000 МВт бўлган қуёш фотоэлектр станцияларини қуриш бўйича CEEC ENERGY CHINA компанияси билан англашув меморандуми имзоланди”, - дейилади хабарда.
Таъкидланишича, мазкур меморандум доирасида Хитой компанияси томонидан Ўзбекистонга 2 млрд доллар миқдорида тўғридан-тўғри инвестициялар киритилади.
Ушбу қуёш фотоэлектр станцияларининг илк қувватлари жорий йил якунига қадар ишга туширилиши режалаштирилган. Станциялар 2024 йилда тўлиқ қувват билан ишлай бошлайди.
Қайд этилишича, бунинг натижасида йилига 5,2 млрд кВт соат электрэнергияси ишлабчиқарилиб, 1,4 млрд куб метр табиий газ тежалишига эришилади.
Хабарга кўра, томонлар ушбу йирик лойиҳаларнинг истиқболлари ва тез фурсатларда станциялар қурилиш ишларини жадал суръатларда амалга оширишга келишиб олди.
Аввалроқ Россиядан Ўзбекистонга газ етказиб бериш жадаллаштирилиши ҳақида хабар берилганди.
Эслатиб ўтамиз, январь ойи охирида “Газпром” раҳбари Алексей Миллер ва Ўзбекистон энергетика вазири Жўрабек Мирзамахмудов газ саноати соҳасида ҳамкорлик бўйича йўл харитасини имзолаганди.
Янгиликлар лентаси
0