Туркиядаги зилзила: қидирилаётган ўзбекистонликлар билан алоқа ўрнатилди - видео
08:40 08.02.2023 (янгиланди: 10:39 08.02.2023)
© Ўзбекистоннинг Истанбулдаги Бош консулхонаси Ўзбекистон ФВВ

© Ўзбекистоннинг Истанбулдаги Бош консулхонаси
Oбуна бўлиш
Туркияга етиб борган Ўзбекистон ФВВ бўлинмалари Ҳатай провинциясининг Овакенти ва Жумабозорида қидирув-қутқарув ишларини амалга оширмоқда.
ТОШКЕНТ, 8 фев — Sputnik. Туркиядаги табиий офат оқибатида қидирилаётган 2 нафар ўзбекистонлик билан алоқа ўрнатилди. Бу ҳақда Ўзбекистоннинг Истанбулдаги Бош консулхонаси хабар берди.
Туркиядаги зилзила оқибатларини бартараф этиш мақсадида сафарбар этилган Ўзбекистон Фавқулодда вазиятлар вазирлиги вакиллари Ҳатай вилоятининг Овакент қишлоғида қидирув-қутқарув ишларини бошлади. Бу ҳудудда асосан 10 мингдан ортиқ этник ўзбеклар истиқомат қилади.
© Ўзбекистоннинг Истанбулдаги Бош консулхонаси Ўзбекистон ФВВ

Ўзбекистон ФВВ
© Ўзбекистоннинг Истанбулдаги Бош консулхонаси
“7 февраль 17:00 ҳолатига Туркиядаги табиий офат оқибатида 1 нафар фуқаро вафот этган, 15 нафар ватандошларимиз қидирилаётган эди, булардан 2 нафари билан алоқа ўрнатилиб, 13 нафарини қидирув ишлари давом этмоқда”, - дейилади хабарда.
Таъкидланишича, қидирув-қутқарув ишлари давом эттирилмоқда.
© Ўзбекистоннинг Истанбулдаги Бош консулхонаси Ўзбекистон ФВВ

Ўзбекистон ФВВ
© Ўзбекистоннинг Истанбулдаги Бош консулхонаси
Ишлар 24 соат узлуксиз йўлга қўйилган бўлиб, қутқарувчиларга UMKE ташкилоти мутахассилари ёрдам бермоқда.