Мирзиёев Намангандаги кутубхонада ёшлар билан учрашди
Oбуна бўлиш
Мулоқотда имкониятларни давом эттиришга қаратилган лойиҳалар ва ташаббуслар ҳақида сўз борди.
ТОШКЕНТ, 3 фев — Sputnik. Президент Шавкат Мирзиёев Наманган вилояти Давлатобод туманида жойлашган “Янги Ўзбекистон ёшлар зиё маскани” кутубхонасига борди. Бу ҳақда давлат раҳбари матбуот хизмати хабар берди.
Бу мажмуа 2021 йил фойдаланишга топширилган. Бугунги кунда 70 мингта китоб фондига эга. Кутубхона жаҳондаги йирик электрон кутубхоналар тармоғига уланган. Бу орқали хорижий адабиётлардан ҳам эркин ва бепул фойдаланиш мумкин.
Президент Шавкат Мирзиёев провел встречу с молодежью в библиотеке Давлатабадского района.
Биринчи қаватда 12 ёшгача бўлган болалар ҳамда кўзи ожиз инсонларга мўлжалланган алоҳида ўқиш зали ташкил этилган. Иккинчи ва учинчи қаватларда умумий ўқув заллари, ертўлада архив жойлашган. Шунингдек, бу ерда ёшлар ахборот технологияларини ўрганиши мумкин.
Президент Шавкат Мирзиёев провел встречу с молодежью в библиотеке Давлатабадского района.
Давлат раҳбари шу ерда наманганлик ёшлар билан мулоқот қилди.
“Наманган буюк алломалар, уста тадбиркорлар юрти. Бугун ҳам ёшлар иқтисодиёт, санъат, спорт соҳаларида катта ютуқларга эришмоқда. Буларни эшитиб, кўриб, хурсанд бўламан. Ёшларимиз учун янада кўпроқ имкониятлар ташкил қилишни ўйлайман”, - деди президент.
Вилоятда йигит-қизлар учун кўп дастурлар амалга оширилмоқда. Ўтган йили уюшмаган ёшлар ўртасида тадбиркорликни ривожлантириш учун 140 миллиард сўм маблағ берилиб, 6 мингдан зиёд ёш ўз йўлини топди.
Шунингдек, 2,5 минг гектар экин майдонларини ажратиш натижасида 20 минг ёшлар бандлиги таъминланди. Шароити оғир қарийб 5 минг ёшга контракт пуллари тўлаб берилди.
Президент Шавкат Мирзиёев провел встречу с молодежью в библиотеке Давлатабадского района.
Мулоқотда бу имкониятларни давом эттиришга қаратилган лойиҳалар ва ташаббуслар ҳақида сўз борди.
“Хабарингиз бор, бу йилни юртимизда “Инсонга эътибор ва сифатли таълим йили” деб эълон қилдик. Мактабда иккита хорижий тил ва битта касб ўрганиш талабини қўйяпмиз. Мана бундай зиё масканлари, спорт мажмуалари қуриляпти. Буларнинг ҳаммаси бирлашиб, ҳаёт мактабига айланиши керак”, - деди давлат раҳбари.
Шу боис битирувчиларни иш билан таъминлаш ва касб-ҳунарга ўргатишга қаратилган “Ҳаёт мактаби” дастури амалга оширилади. Бу борада Наманган вилояти тажрибаси яратилади.
Президент Шавкат Мирзиёев провел встречу с молодежью в библиотеке Давлатабадского района.
Илмий изланишларни қўллаб-қувватлаш, спортни оммалаштириш, кўнгилочар тадбирлар ташкил этиш бўйича кўрсатмалар берилди.
Шу билан президент Шавкат Мирзиёев водий вилоятларига уч кунлик сафарини якунлаб, Тошкент шаҳрига қайтиб келди.
