https://sputniknews.uz/20230201/prezident-andijonga-tashrifini-boston-tumanidan-boshladi-31895262.html

Президент Андижонга ташрифини Бўстон туманидан бошлади

Президент Андижонга ташрифини Бўстон туманидан бошлади

Sputnik Ўзбекистон

Президент “Сайёра фаввораси” масъулияти чекланган жамияти томонидан ишга туширилган тўқимачилик корхонасига борди. 01.02.2023, Sputnik Ўзбекистон

2023-02-01T14:22+0500

2023-02-01T14:22+0500

2023-02-01T14:22+0500

сиёсат

шавкат мирзиёев

андижон вилояти

бўстон тумани

https://cdn1.img.sputniknews.uz/img/07e7/02/01/31891822_0:0:1280:721_1920x0_80_0_0_a60f5209a9dcfbbf3e3560b16489f4f3.jpg

ТОШКЕНТ, 1 фев — Sputnik. Президент Шавкат Мирзиёевнинг Андижон вилоятига ташрифи Бўстон туманидан бошланди. Бу ҳақда президент матбуот хизмати хабар берди.Туманда яқинда “Сайёра фаввораси” масъулияти чекланган жамияти томонидан тўқимачилик корхонаси ишга туширилган эди.Умумий қиймати 113 миллиард сўмлик ушбу лойиҳа доирасида бино барпо этилиб, Туркиядан замонавий ускуналар келтириб ўрнатилган. Эркаклар, аёллар ва болалар учун 50 турдан ортиқ, йилига 1 миллион 200 минг дона тайёр трикотаж маҳсулотлари ишлаб чиқариш йўлга қўйилган. Мингга яқин маҳаллий аҳоли иш билан таъминланган.Корхонанинг “Elegance SM” бренди остидаги сифатли, бежирим маҳсулотларнинг асосий қисми экспортга йўналтирилган. Йиллик экспорт ҳажми 4 миллион доллар бўлиши мўлжалланган.Шу ернинг ўзида касб-ҳунарга қайта тайёрлаш ўқув маркази ташкил этилган. Унда ҳудуддаги ишсиз фуқаролар ҳунар ўрганиб, ўз йўлини топмоқда. Жумладан, яқинда 200 нафар эҳтиёжманд хотин-қиз касбга ўқитилиб, ишга олинган.Президент улар билан суҳбатда аёлнинг билимли, ҳунарли бўлиши оиланинг катта ютуғи эканини таъкидлади. Корхонага муваффақият, аёлларга оилавий фаровонлик тилади.Эслатиб ўтамиз, бугун Шавкат Мирзиёев ҳудудлар иқтисодиёти, аҳоли ҳаёти билан яқиндан танишиш мақсадида Андижон вилоятига жўнаб кетганди.

андижон вилояти

бўстон тумани

2023

Янгиликлар

uz_UZ

сиёсат, шавкат мирзиёев, андижон вилояти, бўстон тумани