Фарғонадан Қирғизистонга микроавтобус қатнови қайта тикланди

© Фарғона вилояти Транспорт бошқармаси"Фарғона – Қувасой – Қизил-қия” халқаро йўналиши
Фарғона – Қувасой – Қизил-қия” халқаро йўналиши - Sputnik Ўзбекистон, 1920, 27.01.2023
Oбуна бўлиш
Йўналиш умумий масофаси 39,5 кмни ташкил этади. Йўлкира нархи 12 минг сўм этиб белгиланди.
ТОШКЕНТ, 27 янв — Sputnik. Фарғонадан Қирғизистонга микроавтобус қатнови қайта тикланди. Бу ҳақда Вилоят Транспорт бошқармаси хабар берди.
Айтилишича, “Фарғона – Қувасой – Қизил-қия” халқаро йўналишида микроавтобус қатнови қайта тикланди.
Фарғона ва Қирғизистоннинг Баткен вилоятидаги Қизил-қия шаҳри ўртасида амалга ошириладиган мазкур қатнов икки чегарадош вилоят ўртасидаги борди-келди учун муҳим йўналишлардан бири ҳисобланади.
Қирғизистон томонидан “Қизил-қия ПАТП”, Ўзбекистон томонидан эса “Daewoo Trans Servis” МЧЖ хизмат кўрсатувчи йўналиш умумий масофаси 39,5 кмни ташкил этиб, йўлкира нархи 12 минг сўм этиб белгиланди.
Микроавтобуслар Қизил-қия ва Фарғонадан тонги соат 7:20 да ҳаракат бошланиши назарда тутилган.
Келгусида аҳоли талаб ва эҳтиёжларини инобатга олган ҳолда бу каби қатновларни кўпайтириш режалаштирилмоқда.
Маълумот учун, 2020 йилгача мавжуд бўлган мазкур қатнов, пандемия даври чекловларида тўхтаб қолган эди.
Янгиликлар лентаси
0