Қирғизистон мамлакатдан валюта олиб чиқишга чеклов жорий қилди

© Sputnik / Владимир Трефилов / Медиабанкка ўтишДоллары
Доллары - Sputnik Ўзбекистон, 1920, 17.01.2023
Oбуна бўлиш
Эндиликда Қирғизистон фуқаролари 10 минг доллардан ортиқ пул олиб чиқққан тақдирда, ошиб кетган сумманинг 10 фоизи учун ортиқча тўлов қилиши керак бўлади.
ТОШКЕНТ, 17 янв — Sputnik. Қирғизистон нақд хорижий валютани олиб чиқишни вақтинча чеклади. Бу ҳақда Sputnik Қирғизистон хабар берди.
Қирғизистон Вазирлар Маҳкамаси мамлакатдан нақд доллар олиб чиқишга чеклов жорий қилган. Бундан кўзланган асосий мақсад молиявий-иқтисодий хавфсизликни таъминлаш, ички валюта бозоридаги вазиятни барқарорлаштириш, Қирғизистон миллий манфаатларини ҳимоя қилишдан иборат.
Қуйидагиларга вақтинчалик рухсат берилмайди:
Норезидентларга ва чет эл фуқароларига 5 минг доллардан ортиқ нақд пул олиб чиқиш;
Қирғизистон резидентлари ва фуқароларига 10 минг доллардан ортиқ нақд пулни олиб чиқиш.
Қайд этилишича, Қирғизистон резидентлари ва фуқаролари 10 минг доллардан ортиқ пул олиб чиқққан тақдирда, ошиб кетган сумманинг 10 фоизи учун ортиқча тўлов ундирилади.
Маълумот учун, авваллари Қирғизистондан 10 минг доллар олиб чиқишда декларация тўлдирилар эди. Сўнгги ойларда Қирғизистонда нақд доллар тақчиллиги кузатилмоқда.
Янгиликлар лентаси
0