Шавкат Мирзиёев Жиззахда электромобиль ишлаб чиқаришни йўлга қўйишни топширди

© Depositphotos.com / NewAfricaЗарядка электрокаров
Зарядка электрокаров - Sputnik Ўзбекистон, 1920, 11.01.2023
Oбуна бўлиш
Мутасаддилар 1 сентябргача хусусий инвесторларни жалб қилиб, Жиззахда электромобиль ишлаб чиқаришни йўлга қўйиши керак.
ТОШКЕНТ, 11 янв — Sputnik. Жиззах вилоятида 1 сентябргача электромобиль ишлаб чиқариш йўлга қўйилади. Президент Шавкат Мирзиёев 10 январь куни ўтказилган видеоселектор йиғилишида тегишли топшириқни берди.
Йиғилишда бир ой муддатда 2023 йилда саноатни 14 фоизга ошириш бўйича саноат ва инвестиция дастурларини қайта кўриб чиқиш вазифаси қўйилди.
Автомобилсозлик тармоғида ўсишни таъминлаш учун 1 сентябрга қадар:
хусусий инвесторларни жалб қилиб, Жиззахда электромобиль ишлаб чиқаришни йўлга қўйиш;
Андижонда замонавий қуюв цехини, Чирчиқда қишлоқ хўжалиги машинасозлик кластерини тўлиқ қувватга чиқариш топширилди.
Бундан ташқари, Самарқандда минерал ўғит, Навоийда қуруқ цианид тузи ва техник газ ишлаб чиқариш лойиҳаларини тезлаштириш керак.1 июнга қадар Пистали конида 6-гидрометаллургия заводини ишга тушириш лозим. Август ойида "Ёшлик-1" мис кони негизида 3-мисни бойитиш фабрикаси лойиҳасини якунлашни таъминлаш керак.
Эслатиб ўтамиз, президент қарори билан электромобиллар ва гибрид автомобиллар 2030 йилгача бождан озод этилган. Шунингдек уларнинг харидорларига имтиёзли кредитлар берилади.

Мавзуга оид:

Тошкентда электромобилни ярим соат ичида 80 %гача қувватлайдиган янги станция ўрнатилди
Барча “заправка”ларда электромобилларни қувватлантириш станциялари ташкил қилинади
Электромобиль тармоғини ривожлантириш учун қандай енгилликлар берилиши маълум бўлди
Янгиликлар лентаси
0